સર્વપિતૃ અમાસ પર બ્રાહ્મણોને દાન આપતા સમયે ન કરો આ ભૂલ નહિતર...
સર્વપિતૃ અમાસનું હિન્દુ ધર્મમાં વિશેષ મહત્ત્વ છે. આ તિથિને ''પિતૃ મોક્ષ અમાસ'' નામથી પણ ઓળખવામાં
સર્વપિતૃ અમાસનું હિન્દુ ધર્મમાં વિશેષ મહત્ત્વ છે. આ તિથિને ''પિતૃ મોક્ષ અમાસ'' નામથી પણ ઓળખવામાં આવે છે. આ પિતૃ પક્ષનો અંતિમ દિવસ હોય છે, જ્યારે તે તમામ પિતૃઓનું શ્રાદ્ધ અને તર્પણ કરવામાં આવે છે જેમની મૃત્યુ તિથિની ખબર નથી હોતી અથવા જેમનું શ્રાદ્ધ કોઈ કારણથી થઈ શક્યું ન હોય.
બ્રાહ્મણને દક્ષિણા આપવાનું મહત્ત્વ
શ્રાદ્ધ કર્મ બાદ બ્રાહ્મણને આપાયેલું ભોજન અને દાન-દક્ષિણા માત્ર એક પરંપરા જ નથી, પરંતુ તે એક અનુષ્ઠાન પણ છે. એવું માનવામાં આવે છે કે શ્રાદ્ધ દરમિયાન બ્રાહ્મણને આપવામાં આવેલું દાન સીધું પિતૃઓ સુધી પહોંચ છે.
આ દાન પિતૃઓને તૃપ્તિ આપે છે અને તેઓ પ્રસન્ન થઈને સુખ, સમૃદ્ધિના આશીર્વાદ આપે છે. આ વાતનું હંમેશા જરૂર ધ્યાન રાખો કે દાનમાં એવી વસ્તુઓ હોવી જોઈએ જે બ્રાહ્મણ માટે ઉપયોગી હોય.
દક્ષિણામાં શું આપવું?
ધન
બ્રાહ્મણોને દક્ષિણામાં પૈસા આપવા મહત્વપૂર્ણ માનવામાં આવે છે. આ દાન બ્રાહ્મણોને તેની જરૂરિયાત મુજબ વસ્તુઓ ખરીદવામાં મદદ કરે છે.
કપડાં
બ્રાહ્મણોને ધોતી, કુર્તા, ટુવાલ કે અન્ય ઉપયોગી કપડાં આપવાં શુભ માનવામાં આવે છે. તેથી નવા અને સ્વચ્છ કપડાંનું દાન કરો.
અનાજ
ઘઉં, ચોખા, દાળ અને તલ જેવા અનાજને દાન કરવા ખૂબ જ પુણ્યકારી માનવામાં આવે છે, તલનું દાન વિશેષ રૂપે ખૂબ જ મહત્વપૂર્ણ માનવામાં આવે છે, કારણ કે આ પિતૃઓને મોક્ષ આપાવવામાં મદદરૂપ ગણાય છે.
બૂટ, ચપ્પલ અને છત્રી
બ્રહ્મણોને બૂટ, ચપ્પલ અને છત્રી દાન કરવી એક મહત્ત્વપૂર્ણ પરંપરા છે, ખાસ કરીને જો તે દૂરથી આવતા હોય.
વાસણ
તાંબા અથવા કાંસાના વાસણ જેમ કે થાળી, લોટો અથવા ગ્લાસનું પણ દાન કરી શકાય છે. આ ધાતુઓને ખૂબ જ પવિત્ર માનવામાં આવે છે
ઉપયોગી વસ્તુઓ
આ સિવાય તમે બ્રાહ્મણોને સાકર, ગ્લાસ, મીઠું, શાકભાજી અથવા અન્ય કોઈ એવી વસ્તુઓ દાન કરી શકીએ જે તેની રોજિંદા જીવનમાં ઉપયોગી હોય.
ધ્યાન આપવાની બાબતો
દક્ષિણા હંમેશા ભોજન બાદ અને સમ્માન પૂર્વક આપવી જોઈએ.
દાનની વસ્તુઓ સારી હોવી જોઈએ.
જો તમે એકસાથે વધું બ્રહ્મણોને દાન આપો છો તો બધાને સમાન વસ્તુઓ આપવી જોઈએ.
દાન આપતા સમયે મનમાં કોઈ પ્રકારનો અહંકાર કે દેખાડાની ભાવના ન હોવી જોઈએ.
