દર વર્ષે મે મહિનાના બીજા રવિવારે જ શા માટે ઉજવવામાં આવે છે Mother's Day? જાણો આ દિવસની રસપ્રદ વાર્તા

મા... આ ફક્ત એક શબ્દ નથી પણ એક લાગણી છે. દર વર્ષે મે મહિનાનો બીજો રવિવાર વિશ્વભરની માતાઓને સમર્પિત હોય છે. આપણે આ દિવસને મધર્સ ડે (Mother's Day) તરીકે ઉજવીએ છીએ. આ દિવસે બાળકો તેમની માતા પ્રત્યે પ્રેમ, કૃતજ્ઞતા અને આદર વ્યક્ત કરે છે. આ દિવસ સમગ્ર વિશ્વમાં ખૂબ જ ઉત્સાહથી ઉજવવામાં આવે છે. 

બાળક ગમે તેટલું મોટું થાય, તે તેની માતા માટે નાનું બાળક જ રહે છે. આવી સ્થિતિમાં, બાળકોએ પણ તેમની માતાને પ્રેમ અને આદર આપવો જોઈએ. આ દિવસે તેમના માટે કંઈક ખાસ પ્લાન કરો. ગિફ્ટ આપીને, કાર્ડ બનાવીને અથવા ખાસ શબ્દોમાં માતાનો આભાર માનીને, વ્યક્તિ તેને સ્પેશિયલ ફિલ કરાવી શકે છે.

તમે પણ મધર્સ ડે (Mother's Day) ખૂબ જ ઉત્સાહ સાથે મનાવતા હશો, પરંતુ શું તમે ક્યારેય વિચાર્યું છે કે મધર્સ ડે (Mother's Day) ફક્ત મે મહિનાના બીજા રવિવારે જ કેમ ઉજવવામાં આવે છે? શું તેની પાછળ કોઈ ખાસ કારણ છે? આજે અમે તમને આ લેખમાં જણાવીશું કે તે મે મહિનાના બીજા રવિવારે જ કેમ ઉજવવામાં આવે છે. 

2025માં મધર્સ ડે ક્યારે છે?

આ વર્ષે મધર્સ ડે (Mother's Day) આજે એટલે કે 11 મેના રોજ ઉજવવામાં આવી રહ્યો છે. આ દિવસને ખાસ બનાવવા માટે, તમે એક સરપ્રાઈઝ પ્લાન કરી શકો છો. જો તમે ઈચ્છો તો, તમે તમારા માતા સાથે પ્રવાસનું આયોજન કરી શકો છો. તમે તમારા માતાને ડિનર માટે અથવા ફિલ્મ જોવા માટે બહાર લઈ જઈ શકો છો. આનાથી તેમને એ પણ લાગશે કે તમે તેમની કેટલી કાળજી રાખો છો.

મધર્સ ડેની ઉજવણી ક્યારે શરૂ થઈ?

આ દિવસની ઉજવણીની શરૂઆત અન્ના રીવ્સ જાર્વિસ દ્વારા કરવામાં આવી હતી. એવું કહેવાય છે કે આ દિવસ દ્વારા અન્ના તેના માતાને શ્રદ્ધાંજલિ આપવા માંગતી હતી. તેના માતા ગૃહયુદ્ધ દરમિયાન કાર્યકર્તા તરીકે કામ કરતા હતા. 1904માં તેમનું અવસાન થયું ત્યારે, તેમના મૃત્યુની પ્રથમ વર્ષગાંઠ પર પશ્ચિમ વર્જિનિયામાં એક શ્રદ્ધાંજલિ સભાનું આયોજન કરવામાં આવ્યું હતું.

આમાં ઘણી મહિલાઓએ પણ ભાગ લીધો હતો. માતા બનેલી મહિલાઓને 500થી વધુ સફેદ કાર્નેશન ફૂલો આપવામાં આવ્યા હતા. આ તેના માતાનું પ્રિય ફૂલ હતું. આ પછી તેણે નક્કી કર્યું કે દર વર્ષે મધર્સ ડે (Mother's Day) ઉજવવો જોઈએ. 1914માં, યુએસ રાષ્ટ્રપતિ વુડ્રો વિલ્સને મે મહિનાના બીજા રવિવારને સત્તાવાર રીતે મધર્સ ડે (Mother's Day) તરીકે જાહેર કર્યો.

મે મહિનાનો બીજો રવિવાર શા માટે પસંદ કરવામાં આવ્યો?

અન્નાના માતાનું મે મહિનામાં અવસાન થયું હતું. તેણે મે મહિનાના બીજા રવિવારે તેના માતાને શ્રદ્ધાંજલિ આપવા માટે એક શોક સભાનું આયોજન કર્યું હતું. આ તારીખ પસંદ કરવાનું કારણ એ હતું કે રવિવારે બધાને રજા હોય છે. જેથી તે પોતાના પરિવાર સાથે અને ખાસ કરીને માતા સાથે સમય વિતાવી શકે.

મધર્સ ડેનું મહત્ત્વ

• માતાને આદર અને પ્રેમ આપવાની તક.
• માતાના યોગદાનને યાદ કરવાનો દિવસ.
• માતા-બાળકના સંબંધને મજબૂત બનાવવાની તક.
• સમાજમાં માતૃત્વની ભૂમિકાને ઉજાગર કરવા માટેનું એક માધ્યમ.