શિમલા-મનાલી કરતા પણ સુંદર છે આ 2 હિલ સ્ટેશન, વિદેશથી મુલાકાત લેવા આવે છે ટુરિસ્ટ

હિમાચલ પ્રદેશ પ્રવાસીઓ માટે પ્રિય સ્થળ છે. આ પ્રાંત કુદરતની ગોદમાં આવેલો છે. ચારે બાજુ પર્વતો અને હરિયાળીથી ઘેરાયેલ હિમાચલ પ્રદેશ પ્રવાસીઓ માટે સ્વર્ગથી ઓછું નથી. જ્યારે પણ તીવ્ર ગરમી પડે છે, ત્યારે ઘણા પ્રવાસીઓ હિમાચલ પ્રદેશના હિલ સ્ટેશન પર જાય છે અને થોડા દિવસો પસાર કરે છે, જેથી તેઓ ઠંડક અને શાંતિનો અનુભવ કરી શકે. હિમાચલ પ્રદેશના હિલ સ્ટેશનોની ખાસિયત એ છે કે જ્યારે દેશના અન્ય ભાગોમાં ગરમી પડતી હોય છે ત્યારે પણ અહીં ઠંડક હોય છે અને ઉનાળામાં પણ તમારે અહીં સ્વેટર પહેરવું પડે છે. જો કે, હિમાચલ પ્રદેશનું નામ આવતા જ પર્યટકોને સીધા જ શિમલા અને મનાલી હિલ સ્ટેશન યાદ આવે છે, પરંતુ અમે તમને અહીં જે બે હિલ સ્ટેશન વિશે જણાવી રહ્યા છીએ તે શિમલા-મનાલી કરતા પણ વધુ સુંદર છે. ચાલો તેમના વિશે જાણીએ.

કસૌલી

હિમાચલ પ્રદેશનું કસૌલી હિલ સ્ટેશન શિમલા અને મનાલી કરતા પણ વધુ સુંદર છે. આ હિલ સ્ટેશન ઉનાળામાં પ્રવાસીઓનું પ્રિય સ્થળ છે. કસૌલી સોલન જિલ્લામાં આવેલું છે. 1841માં, બ્રિટિશ અધિકારી હેનરી લોરેન્સની પુત્રી મેલેરિયાથી મૃત્યુ પામી અને તેને અહીં દફનાવવામાં આવી હતી. અહીં હેનરીએ પોતાની પુત્રીની યાદમાં એક ઝોપડી બનાવી છે, જેનું નામ 'સનીસાઇડ' રાખવામાં આવ્યું હતું. ધીરે ધીરે આ સ્થળ હિલ સ્ટેશન તરીકે વિકસિત થયું. પ્રકૃતિની વચ્ચે આવેલું આ હિલ સ્ટેશન તેની અનોખી સુંદરતા અને ખીણો માટે પ્રખ્યાત છે. 

ધર્મશાલા

કસૌલીઉપરાંત હિમાચલ પ્રદેશમાં આવેલ ધર્મશાલા પણ સુંદર હિલ સ્ટેશન છે. ધર્મશાલા કાંગડા જિલ્લામાં આવેલું છે. આ હિલ સ્ટેશન દલાઈ લામાનું નિવાસસ્થાન છે. ધર્મશાલા હિલ સ્ટેશન પ્રકૃતિની ગોદમાં આવેલું છે અને અહીં ઘણા મંદિરો પણ આવેલા છે. પ્રવાસીઓ અહીં ભાગસુનાગ મંદિર જોઈ શકે છે. આ મંદિર દાલ તળાવ જેટલું જૂનું છે. પૌરાણિક કથાઓ અનુસાર, તે રાક્ષસ રાજા ભગસુ અને સાપના દેવ (નાગરાજ) વચ્ચેના વિશાળ યુદ્ધમાંથી ઉદ્દભવ્યું હતું. ધર્મશાળામાં પ્રવાસીઓ તિબેટીયન સંસ્કૃતિ જોઈ શકે છે.