Diwali Recipes / દિવાળી પર મહેમાનોને સર્વ કરો આ 5 ડ્રિંક્સ, ટેસ્ટ અને હેલ્થનો મળશે ડબલ ડોઝ

મિત્રો અને પરિવાર સાથે દિવાળી ઉજવવાનો આનંદ જ અલગ છે. મહેમાનો ઘરે સતત આવતા-જતા રહે છે. તેથી, તેમના સ્વાગત માટે ઘરે ઘણી સ્વાદિષ્ટ વાનગીઓ અને ડ્રિંક્સ તૈયાર કરવામાં આવે છે.

જોકે, તહેવાર દરમિયાન આલ્કોહોલથી દૂર રહેવું ફાયદાકારક છે. વધુમાં, તે સ્વાસ્થ્ય માટે પણ સારું છે. જો તમે આ દિવાળીમાં મહેમાનોને આલ્કોહોલ ફ્રી ડ્રિંક્સ સર્વ કરવા માંગતા હોવ, તો અહીં પાંચ સ્વાદિષ્ટ વિકલ્પો છે.

દાડમનું શરબત

તાજા દાડમના બીજનો રસ કાઢો અથવા બજારમાંથી 100% શુદ્ધ દાડમનો રસ વાપરો. આ ડ્રિંક બનાવવા માટે એક જગમાં દાડમનો રસ, થોડી ખાંડ, એક ચપટી કાળા મરીનો પાવડર અને એક ચમચી લીંબુનો રસ ભેળવો. બધું વસ્તુને સારી રીતે મિક્સ  કરો અને ઠંડુ કરીને સર્વ કેઓ. ગ્લાસને દાડમના બીજ અને ફુદીનાના પાનથી સજાવો. આ ડ્રિંક એન્ટી-ઓકિસડન્ટથી ભરપૂર છે અને પાચનમાં મદદ કરે છે.

મસાલા છાશ

દિવાળી પર તળેલા નાસ્તા સાથે છાશ કરતાં વધુ સારું શું હોઈ હકે છે. તે માત્ર સ્વાદિષ્ટ જ નથી પણ પેટ માટે પણ સારું છે. મસાલા છાશ બનાવવા માટે તાજી છાશને મોટા બાઉલમાં નાખો. આ પછી તેમાં શેકેલો જીરા પાવડર, કાળું મીઠું, લીલા મરચાં અને તાજા ફુદીનાના પાન ઉમેરો. સારી રીતે ફેંટો. જો તમે ઈચ્છો તો, તમે થોડી બારીક સમારેલી કોથમીર પણ ઉમેરી શકો છો. તેને ઠંડી કરીને સર્વ કરો. આ ડ્રિંક શરીરને ઠંડક પહોંચાડે છે અને હેવી ભોજનને પચાવવામાં મદદ કરે છે.

રોઝ ફાલુદા મિલ્કશેક

જો તમે કંઈક અલગ અજમાવવા માંગતા હોવ, તો રોઝ ફાલુદા મિલ્કશેક સારો વિકલ્પ બની શકે છે. આ ડ્રિંક બનાવવા માટે બ્લેન્ડરમાં ઠંડુ દૂધ, ગુલાબનું સીરપ, વેનીલા આઈસ્ક્રીમ અને થોડી ખાંડ ભેળવીને સારી રીતે બ્લેન્ડ કરો. પહેલા, સર્વિંગ ગ્લાસમાં ફાલુદો ઉમેરો, પછી તેના પર તૈયાર કરેલ મિલ્કશેક ઉમેરો. આ પાછી પિસ્તા, બદામના ટુકડા અને ગુલાબની પાંખડીઓથી ગાર્નીશ કરીને સર્વ કરો.

કીવી મિન્ટ કુલર

આ ડ્રિંક તાજગીભર્યું છે. આ ડ્રિંક બનાવવા માટે 2-3 પાકેલા કીવી છોલીને નાના ટુકડા કરો. એક જગમાં કીવી, થોડા ફુદીનાના પાન, લીંબુનો રસ અને ખાંડ અથવા મધ ઉમેરો અને તેને સારી રીતે મેશ કરો અથવા થોડું બ્લેન્ડ કરો. આ પછી તેમાં ઠંડુ સોડા અથવા સ્પાર્કલિંગ પાણી ઉમેરો. છેલ્લે તેમાં બરફના ટુકડા ઉમેરીને સર્વ કરો. તેનો લીલો રંગ અને સ્વાદ પાર્ટીમાં તાજગી ઉમેરશે.

બદામ ખજૂરનો શેક

આ ડ્રિંક માત્ર સ્વાદિષ્ટ જ નથી, પણ સ્વાસ્થ્ય માટે એક ટોનિક તરીકે પણ કામ કરે છે. આ ડ્રિંક બનાવવા માટે બદામને છોલીને આખી રાત પાણીમાં પલાળી રાખો. આ સિવાય 2-3 બીજ વગરની ખજૂર લો. હવે બ્લેન્ડરમાં, બદામ, ખજૂર, એક કેળું, એક ચપટી એલચી પાવડર અને ઠંડુ દૂધ મિક્સ કરીને ક્રીમી અને સ્મૂધ શેક બનાવો. તેને એક ગ્લાસમાં રેડો અને બદામના ટુકડાથી ગાર્નીશ કરીને સર્વ કરો.