Recipe : સ્વાદ અને સ્વાસ્થ્યનો અનોખો સંગમ: સાંજના નાસ્તા માટે ઝટપટ બની જતી પૌષ્ટિક 'ટોમેટો રિંગ્સ' રેસીપી
છેલ્લું અપડેટ : 01 Apr 2026
ટોમેટો રિંગ્સ એ એક ઝડપથી બનતો, ટેસ્ટી અને હેલ્ધી નાસ્તો છે, જેને તમે સાંજના સમયે ચા સાથે અથવા બાળકોના ટિફિન માટે સરળતાથી બનાવી શકો છો. ટામેટાની રિંગ્સમાં બેસનનો કુરકુરો સ્વાદ અને ઉપરથી ચટણી, પનીર તથા શાકભાજીનું ટોપિંગ તેને ખાસ બનાવે છે. ડીપ ફ્રાય કર્યા વગર બનતી આ રેસીપી સ્વાદ અને સ્વાસ્થ્ય બંનેનું પરફેક્ટ કોમ્બિનેશન છે.
સામગ્રી
- ખીરું (Batter) બનાવવા માટે:
- ચણાનો લોટ (બેસન): 40 ગ્રામ
- મીઠું: ¼ નાની ચમચી
- હદર: ¼ નાની ચમચી
- ધાણાજીરું પાવડર: 1 ટેબલસ્પૂન
- પાણી: 80 મિલીલીટર
અન્ય સામગ્રી:
- તેલ: 1 ટેબલસ્પૂન
- ટામેટા (ગોળ રિંગમાં કાપેલા): 70 ગ્રામ
- મીઠું: ⅛ નાની ચમચી (ચપટીભર)
- લીલી ચટણી: 40 ગ્રામ
- છીણેલું પનીર: 40 ગ્રામ
- કેપ્સિકમ (ઝીણું સમારેલું): 1 ટેબલસ્પૂન
- બાફેલા સ્વીટ કોર્ન: 1 ટેબલસ્પૂન
- પેરી-પેરી મસાલો: ½ નાની ચમચી
બનાવવાની રીત
ખીરું તૈયાર કરો: એક બાઉલમાં ચણાનો લોટ, મીઠું, હળદર, ધાણાજીરું અને પાણી નાખીને સારી રીતે ફેંટી લો, જેથી એક સ્મૂધ (ગાંઠ વગરનું) ખીરું તૈયાર થઈ જાય.
ટામેટા સાંતળો: એક પેનમાં તેલ ગરમ કરો અને તેમાં ટામેટાની રિંગ્સ મૂકો. તેની ઉપર સહેજ મીઠું છાંટો.
ખીરું ઉમેરો: હવે દરેક ટામેટાની રિંગની વચ્ચે તૈયાર કરેલું બેસનનું ખીરું ભરો અને મધ્યમ તાપ પર 1–2 મિનિટ સુધી ચઢવા દો.
પલટાવો: હળવા હાથે રિંગ્સને પલટાવો અને બીજી તરફ પણ 1–2 મિનિટ સુધી પકાવો.
ટોપિંગ કરો: હવે દરેક રિંગ પર લીલી ચટણી લગાવો. તેની ઉપર છીણેલું પનીર, ઝીણું સમારેલું કેપ્સિકમ અને સ્વીટ કોર્ન ભભરાવો.
મસાલો અને ફિનિશિંગ: ઉપરથી પેરી-પેરી મસાલો છાંટો અને થોડી સેકન્ડ માટે ઢાંકીને પકાવો જેથી પનીર અને શાકભાજી સેટ થઈ જાય.
સર્વ કરો: જ્યારે બધી સામગ્રી સારી રીતે ગરમ થઈ જાય, ત્યારે ગેસ બંધ કરી દો. ગરમાગરમ ટોમેટો રિંગ્સ પીરસવા માટે તૈયાર છે!
