વરસાદની ઋતુમાં ફરવા જવાનું પ્લાનિંગ કરી રહ્યા હોવ, તો આ બાબતોનું ખાસ રાખો ધ્યાન

હવામાન બદલાઈ રહ્યું છે, દેશના ઘણા ભાગોમાં વરસાદ શરૂ થઈ ગયો છે. જેના કારણે ગરમીથી થોડી રાહત મળી છે. ઘણા લોકો આ સમયે ફરવા જવાનો પ્લાન બનાવે છે. લોકો હરિયાળી અને તળાવો જેવા સ્થળોએ જવાનું પસંદ કરે છે. પોતાના વ્યસ્ત જીવન અને તણાવથી દૂર રહેવા અને નવા સ્થળો એક્સપ્લોર શોધખોળ કરવા માટે લોકો પર્વતો અને અન્ય સ્થળોની મુલાકાત લેવા જાય છે. પરંતુ જો તમે વરસાદની ઋતુમાં તમારા પરિવાર કે મિત્રો સાથે ફરવા જઈ રહ્યા છો, તો તમારા માટે કેટલીક બાબતોનું ધ્યાન રાખવું ખૂબ જ જરૂરી છે. ખાસ કરીને જો તમે પહાડોની મુલાકાત લેવાનું વિચારી રહ્યા છો, તો આ બાબતોનું ધ્યાન રાખો.

પેકિંગ

વરસાદની ઋતુમાં પહાડો પર જતી વખતે વધારાના કપડા સાથે રાખો. કારણ કે વરસાદમાં કપડા સુકવવા મુશ્કેલ બની જાય છે. આ સિવાય રેઈનકોટ અને વોટરપ્રૂફ શૂઝ તમારી સાથે રાખો. આ રીતે તમારે તમારા પ્રવાસ દરમિયાન મુશ્કેલીનો સામનો કરવો નહીં પડે.

નદી કિનારે જવાનું ટાળો

પર્વતોમાં મોટાભાગના સ્થળોએ ચોક્કસપણે નદી હોય છે. આવી સ્થિતિમાં લોકો વારંવાર નદી કિનારે ફરવા અને મોજ-મસ્તી કરવા જાય છે પરંતુ ચોમાસામાં આવું ન કરવું જોઈએ. કારણ કે આ સમયે નદી કિનારાની નજીક જવામાં ઘણું જોખમ છે. તેથી નદીથી બને તેટલું દૂર રહેવું.

ફર્સ્ટ એઇડ કીટ સાથે રાખો

કોઈપણ ઋતુમાં અને ગમે તે જગ્યાએ જતી વખતે તમારી સાથે ફર્સ્ટ એઇડ કીટ રાખો. ઉપરાંત, આ સમયે, તમે પર્વતો પર મચ્છર અને અન્ય જંતુઓથી પરેશાન થઈ શકો છો, તેથી તમારી સાથે સ્પ્રે રાખો.

યોગ્ય સ્થળ પસંદ કરો

ચોમાસા દરમિયાન ફરવા જતી વખતે યોગ્ય સ્થળ પસંદ કરો. વરસાદની મોસમ મજેદાર લાગે છે પરંતુ આ દરમિયાન ઘણા પર્વતીય સ્થળોએ ભૂસ્ખલન થઈ શકે છે. તેથી, તમારા પ્રવાસનું સ્થળ સમજદારીપૂર્વક પસંદ કરો. જો તમે બિચ અથવા હિલ સ્ટેશનની મુલાકાત લેવા માંગતા હોવ તો તમારા ઘરની નજીકની જગ્યા પસંદ કરો. ત્યાંના હવામાન વિશે માહિતી રાખો. ઉપરાંત, પર્વતો પર જતી વખતે તમારી કારમાં જવાનું ટાળો, પરંતુ જો તમે તમારી કારમાં જઈ રહ્યા છો, તો સેફટી ટિપ્સને ફોલો કરો.

જોખમ ન લો

લોકો પર્વતો અને નદીઓ જેવા સ્થળોની સફર દરમિયાન એડવેન્ચર કરવાનું પસંદ કરે છે. પરંતુ ચોમાસાની ઋતુમાં એડવેન્ચર એક્ટિવિટી કરવાનું ટાળો. કારણ કે આ સિઝનમાં અકસ્માતનું જોખમ વધુ રહે છે. તેથી કોઈપણ પ્રકારનું જોખમ ન લેવું.