Recipe / સાંજના નાસ્તા માટે પરફેક્ટ ઓપ્શન છે બ્રેડ રોલ, આ રીતે ઘરે જ બનાવો

સાંજ પડતા જ કેટલાક લોકોને ભૂખ લાગવા લાગે છે, જેના કારણે લોકો ચા સાથે ખાવા માટે કંઈક શોધતા હોય છે. સાંજે, દરેક વ્યક્તિ કંઈક એવું ખાવા માંગે છે જે ચા સાથે પરફેક્ટ હોય અને બનાવવામાં સરળ હોય તેમજ ખાવામાં સ્વાદિષ્ટ હોય. આવી સ્થિતિમાં, બ્રેડ રોલ એક સારો ઓપ્શન સાબિત થશે, જે બનાવવામાં ખૂબ જ સરળ છે અને ખાવામાં પણ ખૂબ જ સ્વાદિષ્ટ છે. ખાસ વાત એ છે કે તેને ચા સાથે ખાવાનો આનંદ પણ અલગ છે. ચાલો તમને બ્રેડ રોલની રેસીપી જણાવી દઈએ.

સામગ્રી

• બ્રાઉન બ્રેડની સ્લાઈસ
• 3 મધ્યમ કદના બટાકા (બાફેલા અને છૂંદેલા)
• 1/2 કપ મિક્સ વેજીટેબલ (ગાજર, વટાણા, કેપ્સીકમ બારીક સમારેલા)
• 1 ચમચી આદુ-લસણની પેસ્ટ
• 1/2 ચમચી જીરું પાવડર
• 1/2 ચમચી ધાણા પાવડર
• 1/4 ચમચી હળદર પાવડર
• સ્વાદ અનુસાર મીઠું અને મરી
• કોથમીર (સમારેલી)

બનાવવાની રીત

• બ્રેડ રોલ બનાવવા માટે એક પેનમાં આદુ-લસણની પેસ્ટ નાખીને સુગંધ આવે ત્યાં સુધી શેકો.
• હવે તેમાં સમારેલા શાકભાજી ઉમેરો અને તે નરમ થાય ત્યાં સુધી પકાવો.
• હવે તેમાં બટાકા, જીરું પાવડર, ધાણા પાવડર, હળદર પાવડર, મીઠું અને મરી મિક્સ કરો.
• હવે કોથમીર ઉમેરીને સારી રીતે મિક્સ કરો અને પછી ગેસ પરથી ઉતારી લો.
• રોલિંગ પિનની મદદથી બ્રેડની સ્લાઈસને ફ્લેટ કરી લો.
• પછી મિશ્રણને બ્રેડની મધ્યમાં મૂકો અને કિનારીઓ પર થોડું પાણી લગાવો અને છેડાને સીલ કરો.
• હવે આવી રીતે દરેક બ્રેડના રોલ વાળી લો.
• રોલ્સને બેકિંગ ટ્રે પર મૂકો અને પછી રોલ્સ પર તેલ લગાવો.
• લગભગ 20-25 મિનિટ માટે અથવા ગોલ્ડન બ્રાઉન અને ક્રિસ્પી થાય ત્યાં સુધી બેક કરી લો.
• તૈયાર છે તમારા બ્રેડ રોલ. તેને ચા અને ટોમેટો કેચઅપ સાથે સર્વ કરો.