Bhai Dooj 2024 Recipe / ભાઈ બીજ પર ઘરે બનાવો આ સ્વાદિષ્ટ લાડુ, નોંધી લો સરળ રીત
આજે એટલે કે 3 નવેમ્બરે દેશભરમાં ભાઈ બીજનો તહેવાર ઉજવવામાં આવી રહ્યો છે. સામાન્ય રીતે આ તહેવાર દિવાળીના ત્રીજા
આજે એટલે કે 3 નવેમ્બરે દેશભરમાં ભાઈ બીજનો તહેવાર ઉજવવામાં આવી રહ્યો છે. સામાન્ય રીતે આ તહેવાર દિવાળીના ત્રીજા દિવસે ઉજવવામાં આવે છે. આ દિવસે બહેનો તેમના ભાઈઓને તિલક લગાવે છે અને તેમને મીઠાઈ ખવડાવે છે. જો તમે ઈચ્છો તો તમારા ભાઈ માટે ઘરે ખાસ મીઠાઈ બનાવીને તેને ખવડાવી શકો છો. આ માટે તમે માવા અને કાજુના લાડુ બનાવી શકો છો. તે બનાવવામાં ખૂબ જ સરળ છે અને માત્ર સામાન્ય ઘટકોની જરૂર છે.
આ પણ વાંચો: Recipe / સ્વીટ ખાવાની ક્રેવીંગ થઈ રહી છે તો ઘરે બનાવી લો મખાનાની સુગર ફ્રી ખીર, આ રહી સરળ રીત
કોઈપણ તહેવાર મીઠાઈ વગર અધૂરો લાગે છે. બજારમાં મળતી ભેળસેળયુક્ત મીઠાઈઓ ખાવાને બદલે ઘરે જ મીઠાઈઓ તૈયાર કરવી વધુ સારું છે. આજકાલ લોકો બહારની મીઠાઈ ખાવાને બદલે ઘરે જ બનાવવાનું પસંદ કરે છે. ઘરે બનાવેલી મીઠાઈઓમાં એક અલગ જ મીઠાશ અને ઘણો પ્રેમ હોય છે.તો આ વખતે તમે પણ ભાઈ બીજ પર ભાઈ માટે લાડુ બનાવી શકો છો.
સામગ્રી
- ચણાનો લોટ - 2 કપ
- માવો - 1 કપ
- કાજુ - અડધો કપ (બારીક સમારેલા)
- ખાંડ - અડધો કપ (પાઉડર)
- ઘી - અડધો કપ
- એલચી પાવડર - અડધી ચમચી
- કાજુના ટુકડા ગાર્નીશિંગ માટે
બનાવવાની રીત
- સૌ પ્રથમ, એક વાસણમાં ચણાના લોટને ચાળી લો.
- આ બાદ ગેસ પર એક પેનમાં ઘી ગરમ કરો.
- તેમાં ચણાનો લોટ ઉમેરીને ધીમી આંચ પર સોનેરી થાય ત્યાં સુધી શેકી લો.
- તેને સતત હલાવતા રહો જેથી ચણાનો લોટ બળી ન જાય અને તેની કચાશ સંપૂર્ણપણે દૂર થઈ જાય.
- જ્યારે ચણાના લોટનો રંગ બદલાઈ જાય અને તેની સુગંધ આવવા લાગે ત્યારે તેમાં માવો નાખો.
- ચણાના લોટમાં માવાને સારી રીતે મિક્સ કરો અને સતત હલાવતા રહો, જેથી મિશ્રણમાં ગઠ્ઠો ન બને.
- આ બાદ બારીક સમારેલા કાજુ ઉમેરો અને મિશ્રણને સારી રીતે મિક્સ કરો.
- ગેસ બંધ કરો અને મિશ્રણને ઠંડુ થવા માટે થોડો સમય આપો.
- જ્યારે મિશ્રણ થોડું ગરમ હોય ત્યારે તેમાં ખાંડ અને એલચી પાવડર ઉમેરીને બરાબર મિક્સ કરી લો.
- હવે તમારા હાથથી મિશ્રણમાંથી નાના લાડુના આકારમાં બનાવો.
- ગાર્નીશિંગ માટે લાડુની ઉપર કાજુના ટુકડા મુકો.
- તૈયાર છે માવા અને કાજુના લાડુ.
