મહા કુંભમાં ભાગ લેવા પ્રયાગરાજ જઈ રહ્યા છો? તો આ જગ્યાઓની મુલાકાત લેવાનું ન ભૂલશો

પ્રયાગરાજ હિન્દુ ધર્મના લોકો માટે આસ્થાનું કેન્દ્ર છે, કારણ કે અહીં ત્રિવેણી સંગમ છે, એટલે કે ગંગા, યમુના અને સરસ્વતી નદીઓ અહીં એક થાય છે. 2013 પછી 12 વર્ષ બાદ ફરી એકવાર 13 જાન્યુઆરી 2025ના રોજ પોષ પૂર્ણિમાના દિવસે મહા કુંભનો પ્રારંભ થશે. આ ભારતનો સૌથી મોટો ધાર્મિક કાર્યક્રમાં માનવામાં આવે છે, જેમાં માત્ર દેશમાંથી જ નહીં પરંતુ વિદેશથી પણ શ્રદ્ધાળુઓ આવે છે. અહીં આધ્યાત્મિકતા સાથે ભારતીય સંસ્કૃતિનો અદ્ભુત સંગમ જોવા મળે છે. આ વખતે પણ મહા કુંભમાં કરોડો ભક્તો ઉમટે તેવી શક્યતા છે. જો તમે પણ મહા કુંભ મેળા માટે પ્રયાગરાજ જઈ રહ્યા છો, તો જાણો ત્રિવેણી સંગમમાં ડૂબકી લગાવવા સાથે તમે ક્યા સ્થળોની મુલાકાત લઈ શકો છો.

આ પણ વાંચો: Maha Kumbh 2025 / ટેન્ટ સિટીમાં મળશે તમામ લક્ઝરી સુવિધાઓ, આટલું છે એક રાતનું ભાડું

જો તમે 2025ના મહા કુંભ માટે પ્રયાગરાજ જઈ રહ્યા છો, તો જાણી લો કે આ સ્થાન ફક્ત આધ્યાત્મિક દૃષ્ટિકોણથી જ ખાસ નથી, પરંતુ અહીં એવી ઘણી જગ્યાઓ છે, જેને એક્સપ્લોર કરી શકાય છે. તો ચાલો જાણીએ કે મહા કુંભ મેળા સિવાય તમે પ્રયાગરાજમાં કઈ જગ્યાઓ પર જઈ શકો છો.

બડે હનુમાનજી મંદિર

ગંગા-યમુના કિનારે બડે હનુમાનજીનું મંદિર બનેલું છે, જે દૂર દૂર સુધી પ્રખ્યાત છે. અહીં હનુમાનજી સૂતેલી સ્થિતિમાં બિરાજમાન છે. સંગમમાં સ્નાન કર્યા પછી આ મંદિરની મુલાકાત લેવી જોઈએ. આ સિવાય જો તમે આધ્યાત્મિક સ્થળોની મુલાકાત લેવા માંગતા હોવ તો તમે મનકામેશ્વર મંદિર, નાગવસુકી મંદિર (દારાગંજ), હનુમત નિકેતન મંદિર (સિવિલ લાઈન), સજાવન મહાદેવ મંદિર જઈ શકો છો.

શિવાલય પાર્ક

જો તમે મહા કુંભ 2025માં જાવ તો ચોક્કસથી શિવાલય પાર્કની મુલાકાત લો, જે સંગમથી થોડે દૂર અરૈલમાં આ ખાસ પ્રસંગ માટે તૈયાર કરવામાં આવ્યો છે. આ પાર્ક ભારતના નકશાના આકારમાં બનાવવામાં આવ્યો છે.

અલ્હાબાદ કિલ્લો

જો તમે પ્રયાગરાજ જઈ રહ્યા છો અને કંઈક ઐતિહાસિક જોવા માંગો છો, તો અહીં તમે અલ્હાબાદ કિલ્લાની મુલાકાત લઈ શકો છો, જ્યાં ત્રણ મોટી ગેલેરીઓમાં અશોક સ્તંભ, જોધાભાઈ મહેલ અને સરસ્વતી કૂવો જોવાલાયક સ્થળો છે.

અલ્હાબાદ મ્યુઝિયમ

જો તમે પ્રયાગરાજ જાઓ છો, તો અલ્હાબાદ મ્યુઝિયમની મુલાકાત લેવી તમારા માટે એક સારો અનુભવ હશે, કારણ કે આ મ્યુઝિયમ ચંદ્રશેખર પાર્કમાં હરિયાળી વચ્ચે આવેલું છે. આ મ્યુઝિયમ ઘણી રીતે ખાસ છે. મધ્ય ગંગા ખીણમાંથી મળેલી પ્રાચીન વસ્તુઓ ઉપરાંત, અહીં તમે સાહિત્યકારોના હાથે લખેલી ડાયરીઓ તેમજ પ્રાણીઓ અને પક્ષીઓની સુંદર આકૃતિઓ જોઈ શકો છો.

જવાહર પ્લેનેટોરિયમ

પ્રયાગરાજમાં તમે જવાહર પ્લેનેટોરિયમની મુલાકાત લઈ શકો છો. આ સ્થાન એવા લોકો માટે ખાસ છે જેમને ગ્રહો અને નક્ષત્રોમાં રસ હોય છે. જો તમે અહીં જાઓ છો, તો તમને એક અદ્ભુત અનુભવ મળશે, જેને તમે ક્યારેય નહીં ભૂલી શકો.

મનોરંજક પ્રવૃત્તિઓ માટે અહીં જાઓ

જો તમે પ્રયાગરાજમાં કેટલીક મનોરંજક પ્રવૃત્તિ કરવા માંગતા હો, તો ફન ગાંવ વોટર અને ચિલ્ડ્રન પાર્કની મુલાકાત લો. વોટર એક્ટિવિટીનો આનંદ માણવાની સાથે, તમે અહીં સાંજે મ્યુઝિકલ ફાઉન્ટેન શો અને લેસર લાઈટ શો જોઈ શકો છો.