VIDEO: મુંબઈના અંધેરી સબવે નજીક ભારે વરસાદને પગલે જળબંબાકારની સ્થિતિ
છેલ્લું અપડેટ : 04 Jul 2026
સોર્સ : gstv
મુંબઈ અને તેના ઉપનગરોમાં રાતભર પડેલા મુશળધાર વરસાદને કારણે અનેક વિસ્તારોમાં પાણી ભરાઈ ગયા છે. ખાસ કરીને અંધેરી સબવે નજીક ઘૂંટણસમા પાણી ભરાઈ જતાં દ્રશ્યો સામે આવ્યા છે, જેના લીધે તંત્ર દ્વારા સુરક્ષાના ભાગરૂપે સબવેને વાહનવ્યવહાર માટે સંપૂર્ણપણે બંધ કરી દેવામાં આવ્યો છે. રસ્તાઓ પર પાણી ફરી વળતા ઓફિસ જતા નોકરિયાત વર્ગ અને વાહનચાલકો ભારે મુશ્કેલીમાં મુકાયા છે અને પશ્ચિમ એક્સપ્રેસ હાઇવે સહિતના મુખ્ય માર્ગો પર ટ્રાફિક જામના દ્રશ્યો સર્જાયા છે. લોકલ ટ્રેન સેવાઓ પણ ધીમી ગતિએ ચાલી રહી છે. હવામાન વિભાગ દ્વારા હજુ પણ ભારે વરસાદની ચેતવણી આપવામાં આવી હોવાથી, પાલિકા દ્વારા લોકોને બિનજરૂરી બહાર ન નીકળવા અને વૈકલ્પિક માર્ગોનો ઉપયોગ કરવા અપીલ કરવામાં આવી છે.
