પોતે મહિને 11 હજાર રૂપિયા કમાય છે, અને પતિ જોઈએ છે 2.50 લાખ રૂપિયા કમાતો.. લગ્ન માટે મહિલાની વિચિત્ર માંગ

સ્ત્રીએ લગ્ન માટે ઓનલાઈન જાહેરાત આપી છે.આ જાહેરાતમાં મહિલાએ પોતાની પસંદગીનો પણ ઉલ્લેખ કર્યો છે. મહિલાની આ જાહેરાતની સોશિયલ મીડિયા પ્લેટફોર્મ પર ખૂબ ચર્ચા થઈ રહી છે. છૂટાછેડા લીધેલી મહિલા પોતે B.Ed ડિગ્રી ધરાવે છે તે વાર્ષિક 1.3 લાખ રૂપિયા કમાય છે. જો કે, તેણી જે વ્યક્તિને તેના પતિ તરીકે ઇચ્છે છે તેનો લઘુત્તમ વાર્ષિક પગાર 80 લાખ રૂપિયા હોવો જોઈએ. તે ભારત, અમેરિકા કે યુરોપમાં સ્થાયી થયેલા જીવનસાથીની શોધમાં છે. હા, એનઆરઆઈ માટે તેણે જે શરતો નક્કી કરી છે તે મુજબ તેનું સેલરી પેકેજ 80 લાખ રૂપિયા હોવું જોઈએ.

મહિલાએ પોતાની જાહેરાતમાં પોતાની પસંદગીનો પણ ઉલ્લેખ કર્યો છે. તેણીએ કહ્યું કે તેને ફાઇવ સ્ટાર હોટલમાં રહેવું, મુસાફરી કરવી પસંદ છે. આ સિવાય તેણે એમ પણ કહ્યું છે કે જે પણ તેનો પતિ બને તેની પાસે ઓછામાં ઓછું 3+ BHK ઘર હોવું જોઈએ, જ્યાં મહિલાના માતા-પિતા પણ રહી શકે. વધુમાં કહ્યું કે તેની નોકરીને કારણે તે ઘરના કામકાજ સંભાળી શકશે નહીં અને તેથી ઘરમાં રસોઈયા અને કામવાળી બાઈ પણ હોવી ફરજિયાત છે. મહિલાએ તેના સાસરિયાઓથી અલગ રહેવાની ઈચ્છા પણ વ્યક્ત કરી હતી.

છોકરો શિક્ષણ અને વ્યવસાયના સંદર્ભમાં પણ અવ્વલ હોવો જોઈએ.  તે સોફ્ટવેર એન્જિનિયર, એમબીએ અથવા એમએસ હોવો જોઈએ.  X પર મહિલાની પ્રોફાઇલ શેર કરનાર યુઝરે લખ્યું, "મહિલાના ગુણો અને પગાર. તેના પતિના ગુણો અને પગારની અપેક્ષા તો જુઓ."

આ પોસ્ટે સોશિયલ મીડિયા પર લોકોનું ધ્યાન ખેંચ્યું હતું. યુઝર્સે કોમેન્ટ સેક્શનમાં વિવિધ પ્રતિક્રિયાઓ આપી છે. એક યુઝરે લખ્યું કે, "તે ડિવોર્સી હોવા છતાં એક અપરિણીત પુરુષ ઈચ્છે છે. તેના માતા-પિતા તેની સાથે રહેશે, પરંતુ તેના સાસરિયાં નહીં. તેનો પગાર 11000 રૂપિયા પ્રતિ માસ છે, જે શહેરી વિસ્તારોમાં એક કામવાળી બાઈના પગારની બરાબર છે. પરંતુ તે ઈચ્છે છે કે પતિ તેની યોગ્ય રીતે જાળવણી કરે."

બીજાએ કહ્યું, "વેતન 132000 પ્રતિ વર્ષ અને તેણી કહે છે કે તેનો શોખ 5 સ્ટાર હોટલ છે. "તે તેના સાસરિયાઓને સહન કરી શકતી નથી, પરંતુ આશા રાખે છે કે, બિચારો માણસ તેમની સાથે રહેવા આવે,  તે મહિને 11,000 રૂપિયા કમાય છે અને તેને નોકરડી અને રસોઈયા પણ જોઈએ છે?"