VIDEO: તેલંગાણા રાજ્યના સ્થાપના દિવસ પાટનગર હૈદરાબાદ રોશનીથી ઝળહળી ઉઠ્યું

તેલંગાણા રાજ્યના સ્થાપના દિવસ ના વિશેષ અવસર પર પાટનગર હૈદરાબાદ રોશનીથી ઝળહળી ઉઠ્યું છે. આ ઐતિહાસિક દિવસની ઉજવણીના ભાગરૂપે હૈદરાબાદમાં આવેલા તેલંગાણા વિધાનસભા અને તેલંગાણા સચિવાલય ના ભવ્ય ભવનોને આકર્ષક રંગબેરંગી રોશનીથી શણગારવામાં આવ્યા છે. ૨ જૂનના રોજ તેલંગાણા રાજ્યની સ્થાપના થઈ હતી, જેની ખુશીમાં સમગ્ર સરકારી સંકુલને ત્રિરંગા અને વિવિધ રંગોની એલઈડી લાઈટોથી ઝળહળતું કરવામાં આવ્યું છે. રાત્રિના સમયે આ ભવ્ય ઈમારતોનો નજારો અત્યંત મનમોહક અને ગર્વની અનુભૂતિ કરાવનારો લાગી રહ્યો છે. આ અદભુત નજારો જોવા અને તેને કેમેરામાં કેદ કરવા માટે મોટી સંખ્યામાં સ્થાનિક નાગરિકો પણ ત્યાં એકઠા થઈ રહ્યા છે. આ પાવન વસરે રાજ્યભરમાં વિવિધ સાંસ્કૃતિક અને સત્તાવાર કાર્યક્રમોનું આયોજન કરવામાં આવ્યું છે.