VIDEO: દિલ્હીના અનેક વિસ્તારોમાં રેડ અને ઓરેન્જ એલર્ટ જાહેર કર્યું

દિલ્હીના અનેક વિસ્તારોમાં મંગળવાર સાંજે ધૂળભરી તેજ પવનો ફૂંકાયા બાદ હવામાન વિભાગે ભારે વરસાદ, વીજળીના કડાકા અને કરા પડવાની શક્યતા વચ્ચે રેડ અને ઓરેન્જ એલર્ટ જાહેર કર્યું છે. ઉત્તર, ઉત્તર-પશ્ચિમ અને ઉત્તર-પૂર્વ દિલ્હીના કેટલાક વિસ્તારો માટે ઓરેન્જ એલર્ટ જાહેર કરવામાં આવ્યું છે, જ્યાં તેજ પવન સાથે હળવાથી મધ્યમ વરસાદની આગાહી કરવામાં આવી છે. જ્યારે દિલ્હીના અન્ય વિસ્તારોમાં ગાજવીજ, કરા અને વરસાદની વધુ તીવ્ર સંભાવનાને પગલે રેડ એલર્ટ જાહેર કરાયું છે. હવામાન વિભાગે લોકોને સાવચેતી રાખવા અને ખરાબ હવામાન દરમિયાન સુરક્ષિત સ્થળે રહેવાની સલાહ આપી છે.