VIDEO: 'મેં તમને વોટ આપ્યો છે, હવે તો લગ્ન કરાવી આપો', પેટ્રોલ પંપના કર્મચારીએ ધારાસભ્ય પાસે કરી વિચિત્ર માંગ

યુપીના મહોબા જિલ્લાની ચરખારી સીટના ધારાસભ્ય બ્રજભૂષણ રાજપૂત જ્યારે પોતાની કારમાં પેટ્રોલ ભરવા માટે એક પંપ પર પહોંચ્યા ત્યારે ત્યાં તૈનાત એક કર્મચારીએ વિચિત્ર માંગણી કરી. કર્મચારીએ ધારાસભ્યને કહ્યું કે, 'મે તમને મત આપ્યો છે, હું તમારો મતદાર છું, હવે તમારે મારા લગ્ન કરાવી આપવા જોઈએ.'  કર્મચારીની માંગ સાંભળીને પહેલા તો ધારાસભ્ય દંગ રહી ગયા. પછી તેને તેની નોકરી અને પરિવાર વિશે વાત કરી. અંતે ધારાસભ્યએ ખાતરી આપી કે તેઓ તેમના માટે છોકરી શોધી કાઢશે અને તેમના લગ્ન કરાવવા માટે તમામ પ્રયાસ કરશે. ધારાસભ્ય અને પેટ્રોલ પંપના કર્મચારી વચ્ચેની વાતચીતનો વીડિયો હાલ સોશિયલ મીડિયા પર વાયરલ થઈ રહ્યો છે.

ધારાસભ્ય બ્રજભૂષણ રાજપૂત જેવી પોતાની કારમાં પેટ્રોલ પંપ પર પહોંચ્યા તો પંપનો કર્મચારી પોતાનું કામ છોડીને તેમની પાસે આવ્યો. પહેલા તો ધારાસભ્યએ વિચાર્યું કે કર્મચારીની કોઈ સમસ્યા હશે. શક્ય છે કે તે કોઈ બાબતે ફરિયાદ કરી શકે છે, પછી જ્યારે કર્મચારીએ ખરેખર તેની ફરિયાદ તેમની સમક્ષ રજૂ કરી, ત્યારે ધારાસભ્ય આશ્ચર્યચકિત થઈ ગયા. પંપના કર્મચારીએ હજુ સુધી ધારાસભ્ય સાથે લગ્ન ન થયાની પીડા વ્યક્ત કરી હતી અને કહ્યું હતું કે ધારાસભ્ય તેમને મદદ કરશે અને તેઓ લગ્ન કરવી આપશે. તેવી આશા સાથે તેમણે મતદાન કર્યું છે. તેમણે કહ્યું કે તેઓ મતદાર છે, તેમણે મતદાન કર્યું છે. હવે ધારાસભ્યએ તેના લગ્ન કરાવી દેવા જોઈએ.

ધારાસભ્ય અને કર્મચારી વચ્ચે થઈ રહેલી આ રમૂજી વાતચીતનો કોઈએ વીડિયો બનાવી લીધો. હવે આ વીડિયો સોશિયલ મીડિયા પર વાયરલ થઈ રહ્યો છે. વીડિયોના અંતમાં ધારાસભ્ય કર્મચારી સાથે હાથ મિલાવતા અને લગ્ન કરવાનું આશ્વાસન આપતા જોવા મળે છે. હવે આ વીડીયો જોતા તમામ લોકો વિચારી રહ્યા છે કે શું ધારાસભ્ય પોતાનું વચન પૂરું કરી શકશે?