VIDEO: હરિદ્વાર ફ્લાયઓવર પર અકસ્માત: ૩ મોત

ઉત્તરાખંડના પવિત્ર યાત્રાધામ હરિદ્વારમાં એક હૃદયકંપાવનારો માર્ગ અકસ્માત સર્જાયો છે, જેમાં એક રોડવેઝ બસ અને પિકઅપ વાહન વચ્ચે ફ્લાયઓવર પર જોરદાર ટક્કર થઈ હતી. હરિદ્વાર પોલીસ દ્વારા જાહેર કરાયેલી માહિતી અનુસાર, આ ભીષણ અકસ્માતમાં ઘટનાસ્થળે જ ૩ લોકોના કરુણ મોત નીપજ્યા છે, જ્યારે અનેક મુસાફરો ગંભીર રીતે ઈજાગ્રસ્ત થયા છે. અકસ્માતના જે દ્રશ્યો સામે આવ્યા છે તે બંને વાહનોની ભયાનક ટક્કર દર્શાવે છે. ઘટનાની જાણ થતાં જ પોલીસ કાફલો ઘટનાસ્થળે દોડી ગયો હતો અને ઈજાગ્રસ્તોને તાત્કાલિક સારવાર માટે નજીકની હોસ્પિટલમાં ખસેડ્યા હતા. અકસ્માતને કારણે ફ્લાયઓવર પર થોડો સમય ટ્રાફિક જામની સ્થિતિ સર્જાઈ હતી.