સભાપતિ જગદીપ ધનખડ વિરુદ્ધ મહાભિયોગ મુદ્દે બબાલ, રાજ્યસભા સ્થગિત કરાઈ

સંસદમાં શિયાળુ સત્રમાં ભારે હોબાળો જોવા મળી રહ્યો છે. વિપક્ષ અદાણી મુદ્દે ચર્ચા કરવાની માગ પર ભારે હોબાળો મચાવી રહ્યો છે ત્યારે સત્તા પક્ષે સોરોસ અને સોનિયાનો મુદ્દો ઊઠાવ્યો હતો. જ્યારે રાજ્યસભામાં સભાપતિ જગદીપ ધનખડ વિરુદ્ધ મહાભિયોગના વિપક્ષના પ્રસ્તાવ મુદ્દે ભારે માહોલ ગરમાયો હતો. બીજી બાજુ આજે બંધારણ મુદ્દે પણ ચર્ચા થવાની છે. પ્રિયંકા ગાંધી આજે પહેલીવાર લોકસભામાં ભાષણ આપશે. વિપક્ષની બબાલ વચ્ચે સોમવાર સુધી રાજ્યસભા સ્થગિત કરાઈ છે.

રાજ્યસભાની કાર્યવાહી સ્થગિત 

રાજ્યસભામાં મામલો બગડતાં ખડગે અને ધનખડ વચ્ચે તીખી ખટપટ થઇ હતી. આ દરમિયાન હોબાળાને ધ્યાનમાં રાખીને સોમવાર સુધી રાજ્યસભા સ્થગિત કરી દેવાની જાહેરાત કરી દેવામાં આવી હતી.

રાજ્યસભામાં ભારે હોબાળો 

રાજ્યસભામાં હોબાળાની સ્થિતિ જોવા મળી હતી. સભાપતિ જગદીપ ધનખડ વિપક્ષ પર બગડ્યા હતા. તેમણે કહ્યું કે લાગે છે હું તમને બર્દાશ્ત નથી થતો પણ મારો સવાલ એ છે કે તમને આ ખેડૂતનો દીકરો સહન કેમ નથી થઇ રહ્યો? તેના પર કોંગ્રેસના અધ્યક્ષ અને વિપક્ષના રાજ્યસભામાં નેતા મલ્લિકાઅર્જુન ખડગેએ તેમને એમની જ ભાષામાં જવાબ આપ્યો કે જો તમે ખેડૂતના દીકરા છો તો હું પણ શ્રમિકનો દીકરો છું.

અલ્લાહાબાદ હાઈકોર્ટના જજ વિરુદ્ધ મહાભિયોગ પ્રસ્તાવ 

અલ્લાહાબાદ હાઈકોર્ટના જ શેખર કુમાર યાદવ સામે પણ મહાભિયોગનો પ્રસ્તાવ લાવવામાં આવ્યો હતો. આજે 55 સાંસદોએ જજ સામે મહાભિયોગનો પ્રસ્તાવ રાજ્યસભાના મહાસચિવને સોંપ્યો હતો. કપિલ સિબ્બલની આગેવાનીમાં આ પ્રસ્તાવ અપાયો હતો.