ઉત્તર પ્રદેશના બાગપતમાં મોટી દુર્ઘટના, જૈન માનસ્તંભની સીડી તૂટી પડતા 7 શ્રદ્ધાળુઓના મોત, 80 ઘાયલ

બાગપતના બારૌતમાં આયોજિત જૈન નિર્વાણ મહોત્સવમાં એક મોટી દુર્ઘટના બની. કાર્યક્રમનું સ્ટેજ તૂટી પડતાં 80થી વધુ પુરુષો, સ્ત્રીઓ અને બાળકો ઘાયલ થયા હતા. ઘટનાસ્થળે પહોંચેલા અધિકારીઓએ ઘાયલોને હોસ્પિટલમાં દાખલ કર્યા હતા. આ દુર્ઘટનામાં 7 શ્રદ્ધાળુઓના મોત નિપજ્યા છે.

 એસપી અને એડિશનલ એસપી ભારે પોલીસ ફોર્સ સાથે ઘટનાસ્થળે પહોંચી ગયા

માહિતી મળતા જ એસપી અને એડિશનલ એસપી ભારે પોલીસ ફોર્સ સાથે ઘટનાસ્થળે પહોંચી ગયા. જૈન સંતની હાજરીમાં ભગવાન આદિનાથના નિર્વાણ માટે લાડુ ચઢાવવાનો કાર્યક્રમ ચાલી રહ્યો હતો. આ કાર્યક્રમ બારૌતના જૈન કોલેજ મેદાનમાં આયોજિત કરવામાં આવ્યો હતો. આ સમય દરમિયાન અકસ્માત થયો.

આ પણ વાંચો: દિલ્હીના બુરાડીમાં મોટી દુર્ઘટના, 4 માળની ઇમારત ધરાશાયી થતા 2ના મોત, 12 લોકો થયા ઘાયલ

૬૫ ફૂટ ઊંચો સ્ટેજ બનાવવામાં આવ્યો હતો

આજે નિર્વાણ મહોત્સવ અંતર્ગત અહીં એક ધાર્મિક કાર્યક્રમ યોજાવાનો હતો; અહીં 65 ફૂટ ઊંચો સ્ટેજ બનાવવામાં આવ્યો હતો. તેની સીડીઓ તૂટી ગઈ હતી. જૈન કોલેજ કેમ્પસમાં સ્થિત માનસ્તંભમાં સ્થિત મૂર્તિના અભિષેક માટે લગાવવામાં આવેલી કામચલાઉ સીડીઓ પડી ગઈ હોવાનું જણાવવામાં આવી રહ્યું છે. આ કારણે 80 થી વધુ શ્રદ્ધાળુઓ કાટમાળ નીચે દટાઈ ગયા અને નાસભાગ મચી ગઈ. ઘાયલોને હોસ્પિટલમાં દાખલ કરવામાં આવ્યા છે.