VIDEO: ઓપરેશન શેરાવાલી નો આજે ૧૮મો દિવસે

રાજૌરી જિલ્લાના ડોરીમાલ જંગલ વિસ્તારમાં સુરક્ષાદળો દ્વારા આતંકવાદીઓ વિરુદ્ધ ચલાવવામાં આવી રહેલું ઓપરેશન શેરાવાલી આજે ૧૮મા દિવસે પણ પૂરી ગંભીરતા સાથે જારી છે. દુર્ગમ પહાડી અને ગીચ જંગલ વિસ્તારમાં છુપાયેલા આતંકવાદીઓની શોધખોળ માટે ભારતીય સેના અને જમ્મુ-કાશ્મીર પોલીસે સંયુક્ત રીતે સર્ચ ઓપરેશન વધુ તેજ કર્યું છે. વિસ્તારની ભૌગોલિક પરિસ્થિતિને ધ્યાનમાં રાખીને ડ્રોન અને અત્યાધુનિક સર્વેલન્સ સાધનોની મદદ લેવામાં આવી રહી છે. છેલ્લા કેટલાક દિવસોથી સુરક્ષાદળોએ શંકાસ્પદ હિલચાલને પગલે સમગ્ર જંગલ વિસ્તારને કોર્ડન કરી લીધો છે અને સતત પેટ્રોલિંગ કરવામાં આવી રહ્યું છે. વહીવટીતંત્રે સ્થાનિક લોકોને સાવધ રહેવા અને જંગલ તરફ ન જવાની સલાહ આપી છે. ઉલ્લેખનીય છે કે આ વિસ્તારમાં સુરક્ષા વ્યવસ્થાને મજબૂત કરવા અને આતંકવાદી પ્રવૃત્તિઓને ડામી દેવા માટે સુરક્ષાદળો કટિબદ્ધ છે.