દિલ્હીઃ રાવ કોચિંગ સેન્ટરના ભોંયરામાં ભરાયું હતું 12 ફૂટ પાણી, ડૂબવાથી ત્રણ વિદ્યાર્થીઓના મોત
દિલ્હીના એક પ્રખ્યાત કોચિંગ સેન્ટરના ભોંયરામાં પાણી ભરાવાને કારણે ત્રણ વિદ્યાર્થીઓના મોત થયા છે. આ અકસ્માત જૂના રાજેન્દ્
દિલ્હીના એક પ્રખ્યાત કોચિંગ સેન્ટરના ભોંયરામાં પાણી ભરાવાને કારણે ત્રણ વિદ્યાર્થીઓના મોત થયા છે. આ અકસ્માત જૂના રાજેન્દ્ર નગર સ્થિત રાવ IAS કોચિંગ સેન્ટરમાં થયો હતો. આ કેસમાં બે લોકોની અટકાયત કરીને પૂછપરછ કરવામાં આવી રહી છે. દરમિયાન, દિલ્હી સરકારે આ ઘટનાની મેજિસ્ટ્રેટ તપાસના આદેશ આપ્યા છે.
NDRFની ટીમે બચાવ કામગીરી શરૂ કરી
વિભાગને કોલ કરવામાં આવ્યો હતો કે કોચિંગ સેન્ટરના બેઝમેન્ટમાં પાણી ભરાઈ ગયું છે અને ઘણા વિદ્યાર્થીઓ ફસાયા છે. મામલાની ગંભીરતા જોતા NDRFની ટીમે બચાવ કામગીરી શરૂ કરી હતી. સ્થિતિ એવી હતી કે ડાઇવર્સને પાણીમાં નીચે ઉતારવા પડ્યા હતા.
કોચિંગ સેન્ટરના ભોયરામાં પુસ્તકાલય
કોચિંગ સેન્ટરના ભોંયરામાં એક પુસ્તકાલય છે. જેના કારણે અહીં મોટી સંખ્યામાં વિદ્યાર્થીઓ અભ્યાસ કરતા હતા. ફાયર વિભાગના ડાયરેક્ટર અતુલ ગર્ગના જણાવ્યા અનુસાર, ઘટના સમયે 30 વિદ્યાર્થીઓ હાજર હતા, જેમાંથી 3 ફસાયા હતા.
બે વિદ્યાર્થિની અને એક વિદ્યાર્થીનું મોત
. બચાવ કામગીરી બાદ ત્રણ વિદ્યાર્થીઓના મૃતદેહ મળી આવ્યા હતા જેમાં બે વિદ્યાર્થિનીઓ અને એક વિદ્યાર્થી છે. આ ઘટનામાં જીવ ગુમાવનાર વિદ્યાર્થી નેવિન ડાલ્વિન કેરળનો રહેવાસી હતો. પરંતુ છેલ્લા છ-આઠ મહિનાથી દિલ્હીમાં રહેતો હતો. નેવિન પટેલ નગરમાં રહેતો હતો અને કોચિંગ સેન્ટરની લાઈબ્રેરીમાં અભ્યાસ કરવા ગયો હતો. તે જેએનયુમાંથી પીએચડી કરી રહ્યો હતો.
એક પોલીસ અધિકારીએ જણાવ્યું કે ભોંયરામાં એટલું પાણી ભરાઈ ગયું હતું કે લાઈબ્રેરીનું ફર્નિચર તરતું થવા લાગ્યું હતું. આ કારણે બચાવ કામગીરીમાં ઘણી મુશ્કેલી પડી હતી.
4 મોટર પંપમાંથી પાણી કાઢવામાં આવ્યું
ભારે વરસાદને કારણે રોડ પર પાણી ભરાઈ ગયા હતા. આવી સ્થિતિમાં ભોંયરામાં પાણી ભરાયા બાદ તેને કાઢવા માટે મોટર પંપનો ઉપયોગ કરવામાં આવ્યો હતો. કહેવામાં આવી રહ્યું છે કે ચાર મોટર પંપ દ્વારા પાણી કાઢવામાં આવ્યું હતું.બચાવ કામગીરી માટે ડાઇવર્સની મદદ લેવામાં આવી હતી. બીજેપી સાંસદ બંસુરી સ્વરાજે કહ્યું કે જો બચાવ માટે ડાઇવર્સ મોકલવામાં આવ્યા છે, તો અમે સમજી શકીએ છીએ કે પરિસ્થિતિ કેટલી ગંભીર હશે.
