Video: વિકાસ માટે સ્થાનિક લોકોએ પોતાના આશિયાના જાતે તોડીને સરકારને આપ્યો પૂરો સાથ!

પુંછના વિકાસ માટે લેવાયેલા ઐતિહાસિક પગલાથી સ્થાનિક પ્રજામાં ખુશીનો માહોલ!

સરહદી વિસ્તારમાં નેશનલ હાઈવેનું કામ ખૂબ જ ઝડપથી વધી રહ્યું છે આગળ!

વિકાસ માટે સ્થાનિક લોકોએ પોતાના આશિયાના જાતે તોડીને સરકારને આપ્યો પૂરો સાથ!

જમ્મુ અને કાશ્મીરના પુંછ જિલ્લામાંથી વિકાસ અને જનસહયોગનું એક ઉત્તમ ઉદાહરણ સામે આવ્યું છે. પુંછ-જમ્મુ નેશનલ હાઈવેને પહોળો અને આધુનિક બનાવવાની મહત્ત્વપૂર્ણ કામગીરી હાલ ખૂબ જ ઝડપી ગતિએ ચાલી રહી છે. દાયકાઓથી કાળઝાળ ટ્રાફિક અને સાંકડા રસ્તાઓની સમસ્યાનો સામનો કરી રહેલા આ સરહદી જિલ્લાના લોકો માટે આ હાઈવે એક વરદાન સાબિત થઈ રહ્યો છે. સ્થાનિક નાગરિકોએ કેન્દ્ર સરકારના આ નિર્ણય બદલ ભારે ખુશી વ્યક્ત કરી છે અને હૃદયપૂર્વક આભાર માન્યો છે.આ હાઈવેના નિર્માણ કાર્યમાં નડતરરૂપ બનતા મકાનો અને દુકાનોને દૂર કરવાની પ્રક્રિયામાં સ્થાનિક લોકોએ અદ્ભુત ત્યાગ અને સહયોગ દર્શાવ્યો છે. સ્થાનિક નિવાસીઓએ જણાવ્યું હતું કે અગાઉ અહીં નેશનલ હાઈવે વિશે વિચારવું પણ અશક્ય હતું, પરંતુ કેન્દ્ર સરકારના પ્રયાસોથી આ શક્ય બન્યું છે. રસ્તા વચ્ચે આવતા પોતાના એકમાત્ર આશિયાના અને દુકાનોને લોકોએ જાતે જ પોતાના હાથે તોડીને સરકારને પૂરતો સહકાર આપ્યો છે, જેથી સમગ્ર વિસ્તારના વિકાસનો રસ્તો સાફ થઈ શકે.

સરકાર દ્વારા પ્રભાવિત લોકોને ખૂબ જ સારા દરે વળતર પણ આપવામાં આવ્યું છે. અગાઉ પુંછથી જમ્મુ જવા માટે આઠથી દસ કલાક કે ક્યારેક બાર કલાક સુધીનો સમય લાગતો હતો, પરંતુ આ હાઈવેના નિર્માણને કારણે હવે માત્ર ચારથી સાડા ચાર કલાકમાં જ જમ્મુ પહોંચી શકાશે. રોડ અત્યંત કન્જેસ્ટેડ હોવાને કારણે અગાઉ લોકોને ભારે ટ્રાફિક જામ અને મુશ્કેલીઓનો સામનો કરવો પડતો હતો, જે હવે દૂર થઈ જશે.આ વિકાસકાર્યથી સરહદી વિસ્તારના નાગરિકોના વેપાર-ધંધા અને અવરજવરને વેગ મળશે. થોડા સમય માટે લોકોને અગવડ જરૂર પડી રહી છે, પરંતુ ભવિષ્યમાં આ હાઈવે પુંછ અને આસપાસના વિસ્તારો માટે આર્થિક પ્રગતિ અને સુખાકારીનો મોટો માર્ગ બની રહેશે. સ્થાનિક જનતા અને તંત્રના સંયુક્ત પ્રયાસોથી ચાલી રહેલી આ કામગીરી સમગ્ર પ્રદેશમાં ચર્ચાનો વિષય બની છે.

બ્યૂરો રિપોર્ટ જીએસટીવી