CMએ હથિયારોને લૂંટવાની અનુમતિ આપતા રમખાણો.., મણિપુર હિેંસા મામલે સુપ્રીમે માગ્યો રિપોર્ટ
મણિપુરમાં ફેલાયેલી હિંસામાં પહેલી વખત મુખ્યમંત્રી એ. બિરેન સિંહની ભૂમિકા હોવાનો આરોપ મુકાયો છે. સોમવારે સુપ્ર
મણિપુરમાં ફેલાયેલી હિંસામાં પહેલી વખત મુખ્યમંત્રી એ. બિરેન સિંહની ભૂમિકા હોવાનો આરોપ મુકાયો છે. સોમવારે સુપ્રીમ કોર્ટમાં ઓડિયો રેકોર્ડિંગ અંગે દાખલ કરાયેલી અરજી પર સુનાવણી થઈ. સુપ્રીમ કોર્ટે આ મામલે ફોરેન્સિક રિપોર્ટ માંગ્યો છે. ઉપરાંત આ બાબતે વધુ સુનાવણી 24 માર્ચે નક્કી કરવામાં આવી છે. મે 2023 થી મણિપુરમાંથી હિંસાના સમાચારો આવી રહ્યા છે.
કથિત ઓડિયો ટેપ દ્વારા આરોપ લગાવવામાં આવી રહ્યા છે કે, મણિપુરમાં થયેલી જાતિય હિંસામાં સીએમ સિંહ પણ શામેલ હતા. એક રિપોર્ટ મુજબ વકિલ પ્રશાંત ભૂષણે સુપ્રીમ કોર્ટમાં કહ્યું કે, મેં ટેપ રેકોર્ડિંગની કોપી શામેલ કરી છે. તેમણે કહ્યું, 'ટ્રુથ લેબે પુષ્ટિ આપી છે કે 93 ટકા આ અવાજ મુખ્યમંત્રીનો છે.' આના પર સોલિસિટર જનરલે લેબનું નામ લઈને કટાક્ષ કર્યો, ત્યારે એડવોકેટ ભૂષણે કહ્યું, 'ટ્રુથ લેબ્સ FSL રિપોર્ટ કરતાં વધુ વિશ્વસનીય છે.'
પ્રશાંત ભૂષણે કહ્યું કે, 'તેમણે સ્પષ્ટપણે કહ્યું છે કે, તેમણે હથિયારોને લૂંટવાની અનુમતિ આપી અને રમખાણો થયા...' આ સત્ય છે.
ચીફ જસ્ટિસ ઓફ ઈન્ડિયા (CJI) સંજીવ ખન્ના અને જસ્ટિસ સંજય કુમારની બેન્ચ આ અરજી પર સુનાવણી કરી રહી હતી. કુકી ઓર્ગેનાઇઝેશન ફોર હ્યુમન રાઇટ્સ ટ્રસ્ટ વતી રિટ અરજી દાખલ કરવામાં આવી હતી. અરજીમાં કથિત ટેપની સ્વતંત્ર તપાસની માંગ કરવામાં આવી છે.
જસ્ટિસ ખન્નાએ કહ્યું, 'રાજ્ય અત્યારે ડગમગી રહ્યું છે.' અમારે એ પણ જોવું પડશે કે, આ કોર્ટે કેસ સાંભળવો જોઈએ કે હાઈકોર્ટે. તેમણે કહ્યું, 'મને નકલોની સત્યતા વિશે પણ ખબર નથી. FSL રિપોર્ટ ક્યારે આવશે? ૬ અઠવાડિયામાં ફાઇલ કરો. આ કેસની સુનાવણી 24 માર્ચે સૂચિબદ્ધ કરવામાં આવે. FSL રિપોર્ટ સીલબંધ પરબિડીયામાં સબમિટ કરો.
૩ મે ૨૦૨૩ ના રોજ, મણિપુરમાં મેઈતેઈ અને કુકી સમુદાયો વચ્ચે હિંસા ફાટી નીકળી. કેન્દ્રએ રાજ્યના ઘણા સંવેદનશીલ સ્થળોએ દળો તૈનાત કર્યા હતા. આ હિંસામાં 200થી વધુ લોકો માર્યા ગયા હતા.
વર્ષ 2024માં, તત્કાલીન મુખ્ય ન્યાયાધીશ ડીવાય ચંદ્રચુડ, ન્યાયાધીશ જેબી પારડીવાલા અને ન્યાયાધીશ મનોજ મિશ્રાએ ઓડિયો ક્લિપ્સની સત્યતાના પુરાવા તરીકે સામગ્રી રજૂ કરવા કહ્યું હતું. આ પછી કૂકી સંગઠને ટ્રુથ લેબ રિપોર્ટ રજૂ કર્યો. સોમવારે સુનાવણી દરમિયાન એસજી મહેતાએ જણાવ્યું હતું કે ક્લિપ્સ તપાસ માટે મોકલવામાં આવી છે અને કેસ સંબંધિત એફઆઈઆરના આધારે તપાસ ચાલુ છે.
