ભારતીય સેનામાં સૈનિકોની અછત? કેન્દ્ર સરકારે આંકડા જાહેર કરવાનો કર્યો ઇનકાર

રાજ્યસભામાં સંરક્ષણ રાજ્ય મંત્રીએ કહ્યું કે આવી માહિતી સાર્વજનિક કરી શકાતી નથી, કારણ કે તે રાષ્ટ્રીય સુરક્ષા સાથે સંબંધિત એક સંવેદનશીલ મામલો છે.

કોંગ્રેસ નેતા અનિલ કુમાર યાદવ મંડદીએ સેનામાં ઘટાડા અંગે કેન્દ્ર સરકાર પર સવાલ ઉઠાવ્યા હતા. આ પ્રશ્નના જવાબમાં સંરક્ષણ મંત્રાલયે રાષ્ટ્રીય સુરક્ષાને ટાંકીને સશસ્ત્ર દળોમાં સૈનિકોની અછત સાથે સંબંધિત ડેટા શેર કરવાનો ઇનકાર કર્યો હતો.

રક્ષા રાજ્ય મંત્રી સંજય સેઠે રાજ્યસભામાં આ અંગે લેખિત જવાબ આપ્યો હતો. તેમણે પોતાના સંબોધનમાં કહ્યું હતું કે કોંગ્રેસના નેતા દ્વારા માંગવામાં આવેલી માહિતી રાષ્ટ્રીય સુરક્ષા સાથે સંબંધિત એક સંવેદનશીલ મામલો છે અને આવા ડેટાને જાહેર કરવો રાષ્ટ્રીય હિતમાં રહેશે નહીં.

2023માં સેનાની કેટલી જગ્યાઓ ખાલી હતી?

13 માર્ચ 2023 ના રોજ, સંરક્ષણ મંત્રાલયમાં તત્કાલીન રાજ્ય મંત્રીએ માહિતી આપી હતી કે, 10 માર્ચ 2023 સુધીમાં આર્મીમાં 8,070 ઓફિસર અને જુનિયર કમિશન્ડ ઓફિસર્સ (JCOs) અને અન્ય રેન્કમાં 127,673 જગ્યાઓ ખાલી હતી. આ ઉપરાંત, તેમણે માહિતી આપી હતી કે 1 જાન્યુઆરી 2023 થી 10 માર્ચ 2023 ની વચ્ચે 613 ઓફિસર પોસ્ટ્સ અને 19,065 JCO/OR પોસ્ટ્સ ભરવામાં આવી હતી.

14 જૂન, 2022 ના રોજ અગ્નિપથ યોજનાની શરૂઆત પછી ભરતી સંબંધિત નીતિમાં તાજેતરનો ફેરફાર આવ્યો છે. અગ્નિવીર યોજના હેઠળ સૈનિકોની ભરતી ચાર વર્ષના સમયગાળા માટે કરવામાં આવે છે, જેમાં વર્ષ 2026 સુધીમાં મહત્તમ 1.75 લાખ કર્મચારીઓની ભરતી કરવામાં આવશે.

કોંગ્રેસે કર્યા ગંભીર આક્ષેપો

કોંગ્રેસ અધ્યક્ષ મલ્લિકાર્જુન ખડગેએ સોશિયલ મીડિયા પ્લેટફોર્મ પર એક પોસ્ટમાં વડાપ્રધાન નરેન્દ્ર મોદીને ટેગ કર્યા છે. કોંગ્રેસ અધ્યક્ષ મલ્લિકાર્જુન ખડગેએ કહ્યું કે સરકારે પહેલા પણ આવા ડેટા જાહેર કર્યા હતા અને હવે આ પ્રથા અચાનક કેમ બદલાઈ ગઈ. માર્ચ 2023માં આપવામાં આવેલા