અમદાવાદના ઇતિહાસકાર રીઝવાન કાદરીએ સોનિયા ગાંધી પાસે નેહરૂના અંગત દસ્તાવેજ માંગ્યા
વડાપ્રધાન મ્યુઝિયમ અને લાઇબ્રેરી સોસાયટી (PMML)ના સભ્ય રીઝવાન કાદરીએ કોંગ્રેસના નેતા
વડાપ્રધાન મ્યુઝિયમ અને લાઇબ્રેરી સોસાયટી (PMML)ના સભ્ય રીઝવાન કાદરીએ કોંગ્રેસના નેતા સોનિયા ગાંધીને પત્ર લખીને દેશના પ્રથમ વડાપ્રધાન જવાહરલાલ નેહરૂના અંગત દસ્તાવેજ સોપવાનો આગ્રહ કર્યો છે.
પત્રમાં કહેવામાં આવ્યું કે જો આ શક્ય ના હોય તો દસ્તાવેજોની કોપી અથવા ડિઝિટલાઇજ્ડ એક્સેસ આપવામાં આવે. PMML (પહેલા નેહરૂ મેમોરિયલ મ્યૂઝિયમ અને લાઇબ્રેરી)ના સભ્ય અને અમદાવાદના ઇતિહાસકાર રીઝવાન કાદરીએ સોનિયા ગાંધીને લખેલા પત્રમાં કહ્યું કે નેહરૂ સાથે જોડાયેલા રેકોર્ડ્સ મહત્ત્વના છે. તેમના અધ્યયનથી દેશના ઇતિહાસને સારી રીતે સમજાવવામાં મદદ મળશે. PMML સોસાયટીની ફેબ્રુઆરીમાં મળેલી બેઠકમાં સોનિયા ગાંધી પાસે રાખેલા દસ્તાવેજો પર ચર્ચા કરવામાં આવી હતી. રીઝવાન કાદરીએ પત્રમાં લખ્યુ કે ગાંધીજીના લેખનના ડૉક્યુમેન્ટેશન સારી રીતે કરવામાં આવ્યું છે. દુર્ભાગ્યથી સરદાર પટેલના સ્વતંત્રતા પહેલાના આ રીતના દસ્તાવેજ જમા કરવામાં આવ્યા નહતા.
નેહરૂના દસ્તાવેજોમાં આ પત્ર પણ સામેલ
PMML રેકોર્ડ અનુસાર, સોનિયા ગાંધી પાસે રહેલા દસ્તાવેજોમાં નેહરૂ અને જયપ્રકાશ નારાયણ વચ્ચે પત્ર વ્યવહાર પણ સામેલ છે. આ સિવાય તે પત્ર પણ છે જે એડવિના માઉન્ટબેટન, અલ્બર્ટ આઇંસ્ટાઇન, અરૂણા આસફ અલી, વિજયા લક્ષ્મી પંડિત અને બાબુ જગજીવન રામે નેહરૂને લખ્યા હતા.
પુરી રીતે સુરક્ષિત રાખવામાં આવશે દસ્તાવેજ
રીઝવાન કાદરીએ પત્રમાં લખ્યુ, 'તાજેતરમાં ખબર પડી કે નેહરૂ સાથે જોડાયેલા મોટાભાગના રેકોર્ડ પ્રધાનમંત્રી સંગ્રહાલય અને લાઇબ્રેરીમાં છે. સોનિયા ગાંધીની ઓફિસે પણ કેટલાક રેકોર્ડ લીધા હતા કારણ કે તે પરિવારના પ્રતિનિધિ છે. રીઝવાન કાદરીએ કહ્યું કે સોનિયા ગાંધી પાસેથી મળનારા દસ્તાવેજ પુરી રીતે સુરક્ષિત રાખવામાં આવશે.
