VIDEO: ઋષિકેશમાં ગંગા નદીના જળસ્તરમાં વધારો
છેલ્લું અપડેટ : 09 Jul 2026
ઉત્તરાખંડના પહાડી વિસ્તારોમાં છેલ્લા કેટલાક દિવસોથી પડી રહેલા અવિરત વરસાદને કારણે ઋષિકેશમાં ગંગા નદીના જળસ્તરમાં નોંધપાત્ર વધારો જોવા મળ્યો છે. નદીના જળસ્તરમાં થયેલા અચાનક વધારાને પગલે તંત્ર દ્વારા કિનારાના વિસ્તારોમાં હાઈ એલર્ટ જાહેર કરવામાં આવ્યું છે. સતત વધી રહેલા પાણીના પ્રવાહને કારણે ગંગાના ઘાટો પર સુરક્ષા વ્યવસ્થા કડક કરી દેવામાં આવી છે અને શ્રદ્ધાળુઓને નદીમાં ઉતરતા અટકાવવા માટે પોલીસ દ્વારા સાવચેતીના બોર્ડ લગાવવામાં આવ્યા છે. નદીના કિનારે આવેલા મંદિરો અને આશ્રમોમાં પણ પાણી ઘૂસી જવાની દહેશત વર્તાઈ રહી છે. વહીવટીતંત્ર દ્વારા સ્થાનિક રહીશો અને પ્રવાસીઓને સુરક્ષિત અંતર જાળવી રાખવા અને નદી નજીક ન જવાની કડક સૂચના આપવામાં આવી છે. સતત વરસાદને કારણે ગંગાનું રૌદ્ર સ્વરૂપ ધારણ કરવાની આશંકા વચ્ચે ડિઝાસ્ટર મેનેજમેન્ટની ટીમોને સતત મોનિટરિંગ કરવા માટે તૈનાત કરવામાં આવી છે.
