નિવૃત્ત સૈનિકે કરી પત્નીની હત્યા; શરીરને ટુકડાઓમાં કાપીને પ્રેશર કૂકરમાં ઉકાળ્યાં અને મુસળથી ખાંડયા

હૈદરાબાદમાં માનવતાને હચમચાવી નાખે તેવી ઘટના બની છે. એક પુરુષ પર તેની પત્નીની હત્યા કરવાનો અને પછી તેના શરીરને ટુકડા કરીને ફેંકી દેવાનો આરોપ મૂકવામાં આવ્યો છે. તેણે  પત્નીની હત્યા કરી પછી તેના ટુકડા કરી પ્રેશર કૂકરમાં ઉકાળ્યાં હતા. પોલીસ આ મામલાની વિગતવાર તપાસ કરી રહી છે. હાલમાં, પોલીસ પણ દરેક દ્રષ્ટિકોણથી આ મામલાની તપાસ કરી રહી છે. 

અટકાયત કરાયેલા વ્યક્તિએ કહ્યું કે તેણે શરીરના ભાગોને ઉકાળ્યા અને પછી તેને તળાવમાં ફેંકી દીધા. મૃતક મહિલાના ગુમ થવાની માહિતી લગભગ એક અઠવાડિયા પહેલા મળી હતી અને તેના માતા-પિતાએ પોલીસમાં ફરિયાદ નોંધાવી હતી.

હત્યાનો આરોપી વ્યક્તિ સેનામાંથી નિવૃત્ત છે. હાલમાં સિક્યુરિટી ગાર્ડ તરીકે કામ કરે છે. પોલીસે જણાવ્યું હતું કે આ વ્યક્તિએ તેની પત્ની સાથેના ઝઘડા બાદ આ ગુનો કર્યો હોવાની શંકા છે અને તપાસ દરમિયાન સંપૂર્ણ વિગતો બહાર આવશે.

35 વર્ષીય પુટ્ટાવેંકટ માધવીના ગુમ થવાની માહિતી 18 જાન્યુઆરીએ મળી હતી. તેના પરિવારે તેના પતિ ગુરુમૂર્તિ પાસેથી તેના વિશે પૂછપરછ કરી હતી. માધવીના માતા-પિતાએ મીરપેટ પોલીસ સ્ટેશનમાં ગુમ થયાની ફરિયાદ નોંધાવી હતી. તેમણે દાવો કર્યો હતો કે થોડા દિવસ પહેલા સંબંધીના ઘરે જવા અંગે તેની સાથે થયેલી દલીલ બાદ તે ગુસ્સામાં ઘર છોડીને ચાલી ગઈ હતી. ગુરુમૂર્તિને પૂછપરછ માટે મીરપેટ પોલીસ સ્ટેશન લઈ જવામાં આવ્યા હતા, જ્યાં તેણે ગુસ્સામાં આવીને હત્યાની કબૂલાત કરી હોવાનું કહેવાય છે.

પોલીસ સૂત્રોએ જણાવ્યું કે પુરાવાનો નાશ કરવા માટે, તેણે તેના બાથરૂમમાં તેના શરીરના ટુકડા કરી નાખ્યા. આ પછી, ટુકડાઓને ચૂલા પરના કુકરમાં ઉકળવા મૂક્યા હતા. આ પછી હાડકાં અલગ કરવામાં આવ્યા. આ પછી, તેમને મુસળીથી પીસીને ફરીથી ઉકળવા મૂક્યા હતા. ત્રણ દિવસ સુધી માંસ અને હાડકાં રાંધ્યા પછી, તેણે તેમને એક થેલીમાં પેક કર્યા અને નજીકના તળાવમાં ફેંકી દીધા.

તળાવમાં પીડિતાના અવશેષો મળ્યા ન હતા

બુધવાર મોડી રાત સુધી, પોલીસને મીરપેટ તળાવમાં પીડિતાના અવશેષો મળ્યા ન હતા, જેમાં ગુરુમૂર્તિએ દાવો કર્યો હતો કે તેણે શરીરના કચડાયેલા ભાગોવાળી બેગ ફેંકી દીધી હતી. એક પોલીસ અધિકારીએ જણાવ્યું હતું કે વધુ વ્યાપક શોધખોળ હાથ ધરવા માટે સુરાગ શોધ ટીમો અને ડોગ સ્ક્વોડ તૈનાત કરવામાં આવી છે.

13 વર્ષ પહેલાં લગ્ન કર્યા હતા

ગુરુમૂર્તિએ લગભગ 13 વર્ષ પહેલાં માધવી સાથે લગ્ન કર્યા હતા અને તેમનો પરિવાર હૈદરાબાદના જિલેલાગુડામાં રહે છે. હત્યાના દિવસે, તેમના બે બાળકો તેમની કાકીને મળવા ગયા હતા. બાદમાં, પત્નીના ગાયબ થવાનું નાટક કર્યું અને તેના માતાપિતાને જાણ કરી. પોલીસે કહ્યું કે થોડા દિવસોમાં આ કેસ હત્યામાં ફેરવાઈ જશે અને ગુરુમૂર્તિની ધરપકડ કરવામાં આવશે. મીરપેટના એસએચઓ કે નાગરાજુએ જણાવ્યું હતું કે પોલીસ હજુ પણ ગુમ થયેલા વ્યક્તિના કેસ તરીકે તપાસ કરી રહી છે કારણ કે શંકાસ્પદ હત્યાના કોઈ પુરાવા મળ્યા નથી.