Video: ઇન્ડિયા ગઠબંધનની મેગા રેલીની તૈયારીઓ પૂર્ણ સ્થાનિક વેપારીઓ પાસેથી ખરીદી કરવા રાહુલની અપીલ

દિલ્હીના રામલીલા મેદાનમાં રવિવારે યોજાનારી ‘ઇન્ડિયા’ બ્લોકની મેગા રેલીને લઈને તૈયારીઓ પૂરજોશમાં ચાલી રહી છે અને દેશભરમાંથી સમર્થકો દિલ્હી પહોંચી રહ્યા છે. કોંગ્રેસ નેતા રાહુલ ગાંધીએ સોશિયલ મીડિયા પર પોસ્ટ કરીને દિલ્હી આવતા લોકોને રેલીમાં જોડાવા અને સ્થાનિક વેપારીઓ પાસેથી ખરીદી કરવા અપીલ કરી છે.રાહુલ ગાંધીએ દાવો કર્યો હતો કે ભાજપ ડરના કારણે અફવાઓ ફેલાવી રહી છે અને વેપારીઓને આ રેલીથી કોઈ નુકસાન નહીં થાય. ચૂંટણીમાં કથિત ગેરરીતિઓ સામે વિપક્ષના શક્તિ પ્રદર્શનરૂપે યોજાઈ રહેલી આ રેલીમાં મુખ્ય ચૂંટણી કમિશનરના રાજીનામાની પણ માંગ કરવામાં આવી રહી છે.