Video: અધ્યામાં ૧૦મા દીપોત્સવની તૈયારીઓ પૂરજોશમાં, સુંદર રોશનીથી શણગાર

ઉત્તર પ્રદેશના પવિત્ર તીર્થધામ અયોધ્યામાં આગામી ભવ્ય ૧૦મા દીપોત્સવ મહોત્સવને લઈને તડામાર તૈયારીઓ ચાલી રહી છે. અયોધ્યાને અદભુત રોશની અને દિવ્ય ફૂલોથી શણગારવા માટેનું સુંદર કામ પૂરજોશમાં આગળ વધી રહ્યું છે. સાત રંગી બ્રિજથી લઈને નવા ઘાટ અને રામ કી પૈડી સુધીના સમગ્ર વિસ્તારમાં વિશેષ સજાવટ અને સુંદરતાના કાર્યો ચાલી રહ્યા છે, જેનાથી સમગ્ર નગરી અલૌકિક લાગી રહી છે. લાખો દીવાઓ પ્રગટાવવા અને ભવ્ય સાંસ્કૃતિક કાર્યક્રમો યોજવા માટે તંત્ર અને સ્વયંસેવકો દ્વારા આયોજનને આખરી ઓપ આપવામાં આવી રહ્યો છે. આ ભવ્ય પર્વને નિહાળવા માટે દેશ-વિદેશથી હજારો શ્રદ્ધાળુઓ અને પ્રવાસીઓ અયોધ્યા પહોંચી રહ્યા છે, અને સમગ્ર નગરી અત્યારથી જ દિવાળીના ઉત્સવના રંગમાં રંગાઈ ગઈ છે.