MLAની કાર ધોતો હતો પોલીસકર્મી, VIDEO વાયરલ થતા જ મચ્યો હંગામો

મહારાષ્ટ્રના ધારાસભ્ય સંજય ગાયકવાડ(Sanjay Gaekwad) સાથે સંબંધિત એક VIDEO વાયરલ થઈ રહ્યો છે, જેમાં દાવો કરવામાં આવી રહ્યો છે કે એક પોલીસકર્મી તેમની કાર ધોઈ રહ્યો છે. વિપક્ષી નેતાઓએ વીડિયો શેર કરીને મુખ્યમંત્રી એકનાથ શિંદે સરકાર પર સવાલો ઉઠાવ્યા છે. ખાસ વાત એ છે કે આ ઘટના એવા સમયે બની છે જ્યારે રાજ્યમાં વિધાનસભા ચૂંટણીને હવે ગણતરીના મહિના જ બાકી છે.

X પર જુઓ

કોંગ્રેસના પૂર્વ ધારાસભ્ય હર્ષવર્ધન સપકળે(Harshwardhan Sapkal) પણ આ VIDEO શેર કર્યો છે. તેમણે કહ્યું કે પોલીસકર્મીના દુરુપયોગનું આ એક ઉત્તમ ઉદાહરણ છે. તેમણે તેને અત્યંત અપમાનજનક પણ ગણાવ્યું છે. આ પહેલા પણ ફેબ્રુઆરીમાં (1987માં) ગાયકવાડ વાઘને માર્યાનો દાવો કરીને મુશ્કેલીમાં મુકાઈ ગયા હતા. તેમણે એમ પણ કહ્યું હતું કે તેમણે પોતાના ગાળામાં વાઘના દાંત પહેર્યા હતા.

આ ઘટના બાદ તરત જ રાજ્યના વન વિભાગે તેની સામે વાઈલ્ડ લાઈફ પ્રોટેક્શન એક્ટ(Wild Life Protection Act) હેઠળ કેસ નોંધ્યો હતો. તેમજ વાઘના કથિત દાંતને ફોરેન્સિક તપાસ(Forensic investigation) માટે મોકલવામાં આવ્યા હતા.

ધારાસભ્યે શું કહ્યું?

ગાયકવાડે પોલીસકર્મી દ્વારા કાર સાફ કરાવવાના મામલે ખુલાસો કર્યો છે.  અહેવાલ મુજબ તેમણે કહ્યું કે પોલીસકર્મીને નાસ્તો કર્યા બાદ કારમાં ઉલ્ટી થઈ હતી. તેમણે એ પણ જણાવ્યું કે પોલીસકર્મીએ પોતે કાર સાફ કરવાની ઓફર કરી હતી.  'કોઈએ તેમને કાર સાફ કરવા માટે કહ્યું ન હતું.'