'રૂમમાં મૃતદેહ અને 3 ગ્લાસ...', જીતન સહની હત્યા કેસમાં પોલીસની કાર્યવાહી? આ 2 લોકો ખોલશે હત્યાનું રહસ્ય!

બિહારના બહુચર્ચિત જીતન સહની હત્યા કેસમાં પોલીસે બે શકમંદોની અટકાયત કરી છે. આ મામલાની માહિતી આપતા બિહારના ADG જીતેન્દ્ર સિંહ ગંગવારે પ્રેસ કોન્ફરન્સ કરી. તેમણે કહ્યું કે સીસીટીવી ફૂટેજ તપાસ્યા બાદ બે શકમંદોની અટકાયત કરવામાં આવી છે. હાલ તેમની પૂછપરછ કરવામાં આવી રહી છે.

હત્યા કેસની તપાસ માટે SITની રચના

પટનાથી STFની ટીમ પણ પોલીસ અધિકારીઓની મદદ માટે મોકલવામાં આવી છે. કેસની તપાસ માટે SITની રચના કરવામાં આવી છે, જેનું નેતૃત્વ ગ્રામીણ પોલીસ અધિક્ષક, દરભંગા કરશે. આ ઉપરાંત બે નાયબ પોલીસ અધિક્ષક અને સ્થાનિક પોલીસ સ્ટેશનના વડા પણ આ ટીમમાં સામેલ છે. ADG જીતેન્દ્ર સિંહ ગંગવારે કહ્યું કે તમામ મુદ્દાઓની ગંભીરતા અને સંવેદનશીલતા સાથે ખૂબ જ નજીકથી તપાસ કરવામાં આવી રહી છે.

ઘરની અંદરથી ત્રણ બાઇક પણ મળી આવી હતી

તેમણે કહ્યું, 'ઘરની અંદર અને બહારના ભાગમાં મળેલા તમામ પુરાવાઓની ખૂબ જ બારીકાઈથી વૈજ્ઞાનિક તપાસ કરવામાં આવી રહી છે. અત્યાર સુધી મળેલી માહિતી મુજબ ઘરની બહારથી એક અલમારી મળી આવી છે. તેમાં કેટલાક રૂપિયા અને કાગળો મળી આવ્યા હતા. તેની પણ ઝીણવટભરી તપાસ કરવામાં આવી રહી છે. ઘરની અંદરથી ત્રણ ગ્લાસ મળ્યા તેની પણ તપાસ ચાલુ છે. આ ઉપરાંત ઘરમાંથી 3 બાઇક મળી આવી છે. આ ત્રણેય બાઇક કોની છે તેની તપાસ કરવામાં આવી રહી છે. આ ઉપરાંત ડોગ સ્કવોડ થકી પણ ઘટના સ્થળે તપાસ ચાલી રહી છે.

બિહારના દરભંગામાં પૂર્વ મંત્રી મુકેશ સહનીના પિતાની હત્યા થઈ ગઈ છે. તેમના પિતા જીતન સહનીનો મૃતદેહ ગામના ઘરમાં જ મળ્યો. મૃતદેહની હાલત જોઈને એવું લાગે છે કે તેમની પર તીક્ષ્ણ હથિયારથી હુમલો કરવામાં આવ્યો હતો. આ મામલે રાજકારણ પણ ગરમાયું છે. લાલુ યાદવની પાર્ટી આરજેડીએ નીતીશ કુમાર સરકાર પર જંગલરાજનો આરોપ લગાવ્યો છે. પપ્પુ યાદવે પણ કાયદા-વ્યવસ્થા પર સવાલ ઊભા કર્યાં છે.