સામ પિત્રોડાના 'રંગભેદી' નિવેદનથી ગુસ્સે ભરાયા PM મોદી, કહ્યું-'મારા દેશવાસીઓને આપેલી ગાળોથી હું ખૂબ ગુસ્સે છું'
ઈન્ડિયન ઓવરસીઝ કોંગ્રેસના પ્રમુખ સામ પિત્રોડાના ભારતીયોના દેખાવ બાબતે કરેલા નિવેદન પર ભાજપે પ્રહારો ક
ઈન્ડિયન ઓવરસીઝ કોંગ્રેસના પ્રમુખ સામ પિત્રોડાના ભારતીયોના દેખાવ બાબતે કરેલા નિવેદન પર ભાજપે પ્રહારો કર્યા છે. પિત્રોડાના નિવેદનને લઈને વડાપ્રધાન નરેન્દ્ર મોદી સહિત ભાજપે પણ કોંગ્રેસ અને રાહુલ ગાંધી પર નિશાન સાધ્યું છે. તેલંગાણાના વારંગલમાં એક ચૂંટણી રેલીને સંબોધિત કરતી વખતે પીએમ મોદીએ કહ્યું કે, આજે હું ખૂબ ગુસ્સામાં છું. શહેજાદા (રાજકુમાર)ના એક કાકાએ આજે એવી ગાળો આપી જેનાથી મને ગુસ્સો આવ્યો છે. બંધારણને માથે રાખનારા લોકો લોકો બંધારણને માથે રાખે છે તેઓ દેશની ચામડીનું અપમાન કરી રહ્યા છે.
પીએમ મોદીએ કહ્યું કે જેમની ત્વચાનો રંગ કાળો છે, શું તે બધા આફ્રિકાના છે? મારા દેશના લોકોને ચામડીના રંગના આધારે તેઓએ ગાળો આપી છે. અરે, ચામડીનો રંગ ભલે ગમે તેવો હોય, આપણે શ્રી કૃષ્ણની પૂજા કરનારા લોકો છીએ. રાજકુમાર, તમારે જવાબ આપવો પડશે. ત્વચાના રંગના આધારે મારા દેશવાસીઓનું અપમાન દેશ સહન કરશે નહીં અને મોદી ચોક્કસપણે સહન નહીં જ કરે.
સામ પિત્રોડાએ શું આપ્યું છે નિવેદન
સામ પિત્રોડાએ એક મીડિયા હાઉસ સાથે વાતચીત દરમિયાન ભારતીયોના દેખાવ અંગે વાંધાજનક ટિપ્પણી કરી હતી. તેમણે કહ્યું કે ઉત્તર-પૂર્વ ભારતના લોકો ચીની જેવા દેખાય છે. દક્ષિણ ભારતીયો આફ્રિકન જેવા છે અને ઉત્તર ભારતીયો કંઈક અંશે ગોરા છે. ભારતની વિવિધતાની વાત કરીએ તો સામ પિત્રોડાની આવી ટિપ્પણી નવો વિવાદ સર્જી શકે છે.
ઈન્ડિયન ઓવરસીઝ કોંગ્રેસના અધ્યક્ષ સામ પિત્રોડાએ કહ્યું, 'અમે અત્યાર સુધીની જેમ વિવિધતામાં એકતા જાળવી શકીએ છીએ. છેલ્લા 75 વર્ષોમાં આપણે એક સારું વાતાવરણ બનાવ્યું છે જ્યાં દરેક વ્યક્તિ રહી શકે. તેમણે કહ્યું, 'ભારત જેવા વૈવિધ્યસભર દેશને આપણે સાથે રાખી શકીએ છીએ. પૂર્વ ભારતના લોકો ચીન જેવા દેખાય છે. પશ્ચિમના લોકો આરબો જેવા દેખાય છે, ઉત્તરના લોકો ગોરા જેવા અને દક્ષિણ ભારતીયો આફ્રિકન જેવા દેખાય છે. કોઈ વાંધો નથી. આપણે બધા એક છીએ અને ભાઈ-બહેન છીએ. સેમ પિત્રોડાએ ધ સ્ટેટ્સમેનને આપેલા ઈન્ટરવ્યુમાં આ વાત કહી છે, જે હવે વાયરલ થઈ રહી છે.
તેમણે કહ્યું કે ભારતના લોકો ભાષાકીય, ધાર્મિક અને ખાદ્ય વિવિધતાનું સન્માન કરે છે, જે દરેક પ્રદેશમાં બદલાય છે. હું ફક્ત આ ભારતમાં જ માનું છું. જ્યાં દરેક માટે જગ્યા હોય અને તેમને પોતાની રીતે જીવન જીવવાનો મોકો મળી રહ્યો છે. તેમણે એમ પણ કહ્યું કે ભારતના વિચારો લોકતંત્ર, સ્વતંત્રતા, ઉદારતાના છે, જેને આજે રામ મંદિર દ્વારા પડકારવામાં આવી રહ્યા છે. તેમણે કહ્યું કે પીએમ ઘણીવાર માત્ર મંદિરોમાં જ જાય છે. તેઓ માત્ર રાષ્ટ્રીય નેતાની જેમ વાત કરતા નથી પરંતુ ભાજપના નેતાની જેમ ચર્ચા પણ કરે છે.
