NEET-UG 2026: શું રી-ટેસ્ટમાં એરફોર્સની મદદ લેવાશે? PMO લેશે અંતિમ નિર્ણય

NEET-UG 2026ની મૂળ પરીક્ષામાં પેપર લીક થયા બાદ સરકારે આગામી 21 જૂને યોજાનારી પુનઃ-પરીક્ષા માટે સુરક્ષા પ્રોટોકોલ મજબૂત બનાવવાનું નક્કી કર્યું છે. આ સંદર્ભમાં, સૂત્રો અનુસાર પ્રશ્નપત્રોને છાપખાનાથી લઈને પરીક્ષા કેન્દ્રો સુધી સુરક્ષિત રીતે પહોંચાડવા માટે ઈન્ડિયન એર ફોર્સની મદદ લેવા બાબતે વિચારણા ચાલી રહી છે.  

કથિત પેપર લીક અને NEET-UG પરીક્ષાની આસપાસના વિવાદ બાદ, સરકાર હવે 21 જૂને યોજાનારી ફરીથી પરીક્ષા સંપૂર્ણપણે 'ફૂલપ્રૂફ' રહે તે માટે અભૂતપૂર્વ પગલાં લેવા માટે તૈયાર છે. સત્તાવાર સૂત્રોના જણાવ્યા અનુસાર, સરકાર પરીક્ષાના પ્રશ્નપત્રોને સુરક્ષિત રીતે અને કોઈપણ અનિયમિતતા વિના પરીક્ષા કેન્દ્રો સુધી પહોંચાડવા માટે ભારતીય વાયુસેના (IAF) વિમાનનો ઉપયોગ કરવાના વિકલ્પ પર ગંભીરતાથી વિચાર કરી રહી છે.   રાજનાથ સિંહની અધ્યક્ષતામાં ઉચ્ચ-સ્તરીય બેઠક   આ મહત્વપૂર્ણ અને વ્યૂહાત્મક પગલા પર ચર્ચા કરવા માટે દિલ્હીમાં એક ખૂબ જ ઉચ્ચ-સ્તરીય બેઠક બોલાવવામાં આવી હતી. આ બેઠકની અધ્યક્ષતા સંરક્ષણ પ્રધાન રાજનાથ સિંહે વ્યક્તિગત રીતે કરી હતી અને તેમાં શિક્ષણ પ્રધાન ધર્મેન્દ્ર પ્રધાન અને સંદેશાવ્યવહાર પ્રધાન જ્યોતિરાદિત્ય સિંધિયાએ હાજરી આપી હતી.

વાયુસેનાના ઉપગ અંગે ચર્ચા:

સૂત્રોના જણાવ્યા અનુસાર, બેઠક દરમિયાન, મંત્રીઓ અને વરિષ્ઠ અધિકારીઓએ 21 જૂને યોજાનારી પરીક્ષા માટે પ્રશ્નપત્રોના પરિવહન માટે વાયુસેનાના વિમાનની સહાય મેળવવાની શક્યતા અંગે ચર્ચા કરી હતી.

IAFની ભૂમિકા: 

બેઠકનો મુખ્ય હેતુ પરીક્ષા પ્રક્રિયામાં લોજિસ્ટિક્સ અને સુરક્ષાને અભેદ્ય બનાવવાનો હતો. IAFના વિમાનોનો ઉપયોગ પ્રશ્નપત્રોને દેશના ખૂણે-ખૂણે સુરક્ષિત રીતે પહોંચાડવા માટે થઈ શકે છે, જેથી લીકેજનું જોખમ ઘટાડી શકાય.  

અંતિમ નિર્ણય: 

અત્યારે આ માત્ર એક પ્રસ્તાવ છે. કોઈ અંતિમ નિર્ણય લેવાયો નથી. આ વિકલ્પને વડાપ્રધાન નરેન્દ્ર મોદીના કાર્યાલય (PMO) સમક્ષ રજૂ કરવામાં આવશે અને તેમના અંતિમ નિર્દેશ બાદ અમલીકરણ અંગે નિર્ણય લેવાશે.

પરીક્ષા અને તપાસની સ્થિતિ

પુનઃ પરીક્ષાની તારીખ: 21 જૂન, 2026 

CBI તપાસ: પેપર લીક કેસની તપાસ CBI કરી રહી છે. અત્યાર સુધી દિલ્હી, રાજસ્થાન, મહારાષ્ટ્ર, હરિયાણા અને ઉત્તર પ્રદેશમાંથી 13 આરોપીઓની ધરપકડ કરવામાં આવી છે.