NEET કૌભાંડ: CBIએ મુખ્ય ષડયંત્રકાર અમન સિંહની ધનબાદથી કરી ધરપકડ

NEET કેસમાં CBIએ બીજી મોટી ધરપકડ કરી છે. આરોપી અમન સિંહની ધનબાદમાંથી ધરપકડ કરવામાં આવી છે. કેન્દ્રીય તપાસ એજન્સી CBIએ મુખ્ય ષડયંત્રકારની ધનબાદથી ધરપકડ કરી છે.

NEET પેપર લીક કેસમાં CBIએ મોટી કાર્યવાહી કરી છે. સેન્ટ્રલ બ્યુરો ઑફ ઇન્વેસ્ટિગેશન (CBI) એ બુધવારે NEET-UG પેપર લીક કેસમાં મુખ્ય કાવતરાખોર અમન સિંહની ઝારખંડના ધનબાદથી ધરપકડ કરી છે. NEET-UG ગેરરીતિઓની તપાસના સંદર્ભમાં કેન્દ્રીય તપાસ એજન્સી દ્વારા કરવામાં આવેલી આ સાતમી ધરપકડ હોવાનું કહેવાય છે.

આ પહેલા રવિવારે સીબીઆઈએ ગુજરાતના ગોધરા જિલ્લામાંથી ધરપકડ કરી હતી. સીબીઆઈની તપાસ ટીમે ગોધરામાંથી ખાનગી શાળાના માલિકની ધરપકડ કરી હતી. પંચમહાલ જિલ્લાના ગોધરા નજીક આવેલી જય જલારામ સ્કૂલના માલિક દીક્ષિત પટેલ વિરુદ્ધ કાર્યવાહીના કેસમાં સીબીઆઈની આ છઠ્ઠી ધરપકડ હતી. ઉમેદવારોને મદદ કરવા બદલ 5 થી 10 લાખ રૂપિયા લેવાના આરોપમાં દિક્ષિત પટેલની ધરપકડ કરવામાં આવી હતી.

ગોધરામાં જય જલારામ સ્કૂલના માલિક દીક્ષિત પટેલે ઉમેદવારોને પરીક્ષામાં ગુણ વધારવાનું વચન આપ્યું હતું. આ કેસમાં ગુજરાત પોલીસનો આરોપ છે કે દીક્ષિત પટેલે ઉમેદવારોને કહ્યું હતું કે જો તેઓ કોઈ પ્રશ્નનો જવાબ જાણતા ન હોય તો તેમણે પ્રશ્ન ઉકેલવો જોઈએ નહીં. શંકાસ્પદ આરોપીઓએ કથિત રીતે પરીક્ષા પૂરી થયા બાદ 27 વિદ્યાર્થીઓ વતી ઉત્તરવહી ભરવાની યોજના બનાવી હતી. આ માટે તેણે દરેક ઉમેદવાર પાસેથી 10 લાખ રૂપિયા સુધી લીધા હતા.