વાંદરાઓએ બચાવી સગીરાની ઈજ્જત, દુષ્કર્મનો પ્રયાસ કરી રહેલા યુવક પર કર્યો હુમલો

બાગપત જિલ્લાના સિંઘાવલી અહિર વિસ્તારમાં વાંદરાઓએ એક છોકરીની ઈજ્જત બચાવી. ખરેખર, એક યુવકે 6 વર્ષની માસૂમ બાળકીને ફોસલાવીને સાથે લઈ ગયો હતો. થોડે દૂર ગયા બાદ તેણે બાળકીને નિર્વસ્ત્ર કરવાનું શરૂ કર્યું. આ દરમિયાન વાંદરાઓના એક જૂથે તેના પર હુમલો કર્યો, જેના કારણે આરોપી ભાગી ગયો અને સગીરા  બચી ગઈ. હાલમાં પીડિતાના પરિવારજનોએ આ અંગે પોલીસમાં ફરિયાદ કરી છે, જેના આધારે કેસ નોંધવામાં આવ્યો છે. પોલીસનું કહેવું છે કે આરોપી ફરાર છે અને તેની શોધ ચાલી રહી છે.

ફોસલાવીને લઈ ગયો હતો આરોપી

હકીકતમાં, સમગ્ર મામલો સિંઘાવલી અહિર પોલીસ સ્ટેશન વિસ્તારનો હોવાનું જાણવા મળે છે. પીડિતાના પરિવારજનોનું કહેવું છે કે વાંદરાઓના ટોળાએ 6 વર્ષની માસૂમ બાળકીને એક હેવાનના ચુંગલમાંથી બચાવી હતી. પોલીસને મળેલા CCTV ફૂટેજમાં જોવામાં આવ્યું હતું કે આરોપી યુવક બાળકી સાથે પહેલા મસ્જિદની ગલીમાં ગયો હતો. અહીં તેણે બાળકીને બહાર ઉભી કરી અને પોતે અંદર ગયો. થોડી વાર પછી, તે તરત જ બહાર આવ્યો અને બાળકીને બીજી કોઈ નિર્જન જગ્યાએ લઈ જવા લાગ્યો. થોડે દૂર ગયા બાદ તેણે બાળકીને નિર્વસ્ત્ર કરવાનું શરૂ કર્યું.

વાંદરાઓના ટોળાએ હુમલો કર્યો

પરિવારના સભ્યોએ જણાવ્યું કે, કોઈ અપ્રિય ઘટના બને તે પહેલા વાંદરાઓના એક જૂથે તેના પર હુમલો કર્યો. વાંદરાઓના હુમલા બાદ આરોપી ત્યાંથી ભાગી ગયો હતો અને બાળકી ભાગી શકી હતી. જણાવવામાં આવી રહ્યું છે કે યુવક દૂધવાળા પાસેથી દૂધના પૈસા લેવાના બહાને બાળકીને લાલચ આપીને લઈ ગયો હતો. હાલ યુવકની ઓળખ થઈ શકી નથી. સીસીટીવી ફૂટેજના આધારે પોલીસે કેસ નોંધીને આરોપીની શોધખોળ શરૂ કરી છે.