જેની હત્યાના કેસમાં ભાઈઓને જેલની સજા કાપવી પડી, બિહારનો એ વ્યક્તિ 17 વર્ષે ઝાંસીમાં જીવતો મળ્યો

17 વર્ષ પહેલા બિહારથી અચાનક ગુમ થયેલા જે વ્યક્તિની હત્યા માટે તેના ત્રણ પિતરાઈ ભાઈઓને જેલની સજા ભોગવવી પડી હતી. એ જ વ્યક્તિ સોમવારે ઝાંસીના ધવારામાં ગામમાં શંકાસ્પદ હાલતમાં મળી આવ્યો હતો. આ અંગેની માહિતી મળતા પરિવારજનો ચોંકી ઉઠ્યા હતા. બિહારથી આવેલી પોલીસ તેની પૂછપરછ કરી રહી છે.

આ પણ વાંચોઃ અમદાવાદના 3 PSI અને 19 પોલીસ કર્મીની કે કંપનીમાં બદલી, પોલીસ કમિશનરે આપ્યા આદેશ

બિહારના રોહતાસ જિલ્લાના અકોડી ગોલા, ગામ દેવરિયા, પોસ્ટ પલેજા પોલીસ સ્ટેશનના રહેવાસી 50 વર્ષીય નાથુની પાલ છ મહિનાથી ઝાંસીના ઘવારા ગામમાં રહેતા ખેડૂત ધરમદાસ અહિરવાર પાસે આશ્રય લઈને રહેતો હતો. બરુઆસાગર પોલીસ સ્ટેશનની ધમના ચોકીના ઈન્ચાર્જ નબાબ સિંહ સોમવારે પેટ્રોલિંગમાં હતા. રસ્તામાં તેમને શંકાસ્પદ હાલતમાં નાથુની પાલને જોયો.

બિહાર પોલીસ ઝાંસી જવા રવાના થઈ

પૂછપરછ દરમિયાન તેણે પોતાના ઘરનું સરનામું આપ્યું હતું. જ્યારે ચોકીના ઈન્ચાર્જે બિહારના અકોડી ગોલા પોલીસ સ્ટેશનનો સંપર્ક કર્યો તો તેઓ ચોંકી ગયા. ત્યાં જણાવવામાં આવ્યું હતું કે, નાથુનીની 17 સપ્ટેમ્બર 2008ના રોજ હત્યા કરવામાં આવી હતી. કાકા અને પિતરાઈ ભાઈઓ પર તેની હત્યાનો આરોપ છે. આ મામલો ધ્યાને આવતા જ બિહાર પોલીસ ઝાંસી જવા રવાના થઈ. 

જમીનમાં દાટી દેવાનો આરોપ લગાવ્યો હતો

નાથુની પાલના પિતા રામચંદ્રપાલ અને માતાના અવસાન બાદ કાકા રતિપાલે તેનો ઉછેર કર્યો. રતિને ચાર પુત્રો વિમલેશ પાલ, ભગવાન, સતેન્દ્ર અને જિતેન્દ્ર છે. જ્યારે તે 17 સપ્ટેમ્બર 2008ના રોજ ગુમ થયો હતો, ત્યારે નાથુનીના મામા બાબુલાલે કાકા રતિ અને તેમના પુત્રો પર નાથુનીનું અપહરણ કરીને તેને જમીન માટે જમીનમાં દાટી દેવાનો આરોપ લગાવ્યો હતો. એફઆઈઆર બાદ વિમલેશ પાલ, ભગવાન, સતેન્દ્રને સાતથી આઠ મહિના જેલમાં પસાર કરવા પડ્યા હતા. ટ્રાયલ દરમિયાન કાકા રતિ પાલનું અવસાન થયું હતું. જિતેન્દ્ર પાલનું નામ પોલીસમાં હોવાના કારણે આ કેસમાંથી બહાર રાખવામાં આવ્યું હતું.