લોકસભા ચૂંટણી: સાતમા અને અંતિમ તબક્કાનું મતદાન પૂર્ણ, બિહારમાં સૌથી ઓછુ વોટિંગ

Lok Sabha Elections 2024:  લોકસભા ચૂંટણીના સાતમા તબક્કા હેઠળ આઠ રાજ્યો અને કેન્દ્રશાસિત પ્રદેશોની 57 લોકસભા બેઠકો પર મતદાન થયું હતું. ચૂંટણી પંચ દ્વારા જાહેર કરવામાં આવેલા આંકડા મુજબ, સાતમા તબક્કામાં 5 વાગ્યા સુધી સરેરાશ 58.34 ટકા મતદાન થયું છે. સૌથી વધુ બંગાળમાં થયું છે. જ્યારે સૌથી ઓછુ બિહારમાં વોટિંગ થયું છે.

લોકસભા ચૂંટણી 2024માં સાતમા અને અંતિમ તબક્કા માટે મતદાન થઇ રહ્યું છે.1 વાગ્યા સુધી 40.09 % મતદાન થયું છે. બિહારમાં સૌથી ઓછું 35.65 % જ્યારે હિમાચલ પ્રદેશમાં સૌથી વધુ 48.63 % મતદાન થયું છે. આ પહેલા 11 વાગ્યા સુધી 26.30 % મતદાન થયું હતું. આ પહેલા 9 વાગ્યા સુધી 11.31 % મતદાન થયું હતું. 

1 વાગ્યા સુધી ક્યા કેટલુ મતદાન

જે બેઠકો પર સાતમા અને અંતિમ તબક્કામાં મતદાન યોજાઇ રહ્યું છે તેમાં પંજાબ અને ઉત્તર પ્રદેશની 13-13 બેઠક, પશ્ચિમ બંગાળની 9 બેઠક, બિહારની 8 બેઠક, ઓરિસ્સાની 6 બેઠક, હિમાચલ પ્રદેશની 4 બેઠક, ઝારખંડની 3 બેઠક અને એક ચંદીગઢની બેઠક સામેલ છે.

આ તબકકામાં કેટલાક મોટા દિગ્ગજોનું નસીબ દાંવ પર છે. આ તબક્કામાં કેન્દ્રીય મંત્રી અનુરાગ ઠાકુર હમીરપુરથી, મમતા બેનરજીના ભત્રીજા અભિષેક બેનરજી ડાયમંડ હાર્બરથી, લાલુ પ્રસાદની દીકરી મીસા ભારતી પાટલિપુત્રથી, એક્ટ્રેસ કંગના રનૌત મંડી બેઠક પરથી મેદાનમાં છે.