Video: "દેશમાં અરાજકતા ફેલાવી રહ્યું છે ઇન્ડી ગઠબંધન": ભાજપના રાષ્ટ્રીય ઉપાધ્યક્ષનો મોટો હુમલો!
ભાજપના રાષ્ટ્રીય ઉપાધ્યક્ષ અને રાજ્યસભા સાંસદ પ્રો. એમ. નાગરાજાએ વિપક્ષી ‘ઇન્ડી’ (INDI) ગઠબંધન પર ગંભીર આક્ષેપો કરતાં દેશભરમાં મોટા આંદોલનની જાહેરાત કરી છે. તેમણે જણાવ્યું હતું કે દેશમાં અરાજકતાનું વાતાવરણ ઊભું કરવાના વિપક્ષી ગઠબંધનના પ્રયાસો સામે ભાજપ દ્વારા દેશવ્યાપી પદયાત્રાઓનું આયોજન કરવામાં આવી રહ્યું છે.
પ્રો. નાગરાજાએ સ્પષ્ટ શબ્દોમાં જણાવ્યું હતું કે, “ભાજપ રાહુલ ગાંધી અને તેમના ગઠબંધનની માનસિકતા તથા વલણને પરાજિત કરવા માટે સતત કામ કરી રહ્યું છે. દેશમાં વિપક્ષ દ્વારા ફેલાવવામાં આવી રહેલી અરાજકતાને પ્રજા સમક્ષ ખુલ્લી પાડવા માટે આ પદયાત્રાઓ કાઢવામાં આવશે.”
વધુમાં તેમણે ઉમેર્યું હતું કે આ અભિયાન અંતર્ગત પક્ષ દેશના બુદ્ધિજીવીઓ, વિચારકો અને યુવાનો સાથે સીધો સંવાદ કરશે. રાષ્ટ્રહિત અને લોકશાહીના મૂલ્યોની રક્ષા કાજે સમાજના દરેક વર્ગને આ દિશામાં જોડીને વિપક્ષી એજન્ડાનો પર્દાફાશ કરવામાં આવશે.
