જમ્મુ કાશ્મીરમાં પીડીપીના સૂપડા સાફ, મુફ્તિએ પોતાની હાર સ્વીકારી 

એક દાયકા પછી યોજાઈ રહેલી જમ્મુ અને કાશ્મીર વિધાનસભા ચૂંટણીના પરિણામનો દિવસ છે. શરૂઆતી વલણો મુજબ ઇન્ડિયા એલાયન્સ 52 બેઠકો પર આગળ છે. જ્યારે જમ્મુ સીટોના ​​આધારે ભાજપ 26 સીટો પર આગળ છે. અબ્દુલ્લા પરિવારની નેશનલ કોન્ફરન્સ પોતાના દમ પર 40 સીટો પર આગળ ચાલી રહી છે. જ્યારે ગત વખતે ભાજપ સાથે સરકાર બનાવનાર પીડીપીની હાલત હજુ પણ ખરાબ જોવા મળી રહી છે.

પીડીપી નેતા ઈલ્તિજા મુફ્તિએ પોતાની હાર સ્વીકારીને લખ્યું છે કે હું જનતાના જનાદેશને સ્વીકારું છું. તેમની પાર્ટી માત્ર 5 સીટો પર આગળ ચાલી રહી છે. તે જ સમયે, લોકસભા ચૂંટણીમાં ઓમર અબ્દુલ્લાને હરાવીને લાઇમલાઇટમાં આવેલા રાશિદ એન્જીનીયરની પાર્ટી પણ પાછળ પડી રહી હોય તેવું લાગી રહ્યું છે. લગભગ એક દાયકાથી પોતાના સક્ષમ ઉમેદવારની રાહ જોઈ રહેલા જમ્મુ-કાશ્મીરના મુખ્યમંત્રી પદ પર કોણ બેસશે તેનો નિર્ણય પણ આજે જ લેવામાં આવશે.

X પર જુઓ

છેલ્લી વિધાનસભા ચૂંટણીથી કાશ્મીરના લોકો માટે ઘણું બદલાઈ ગયું છે. 5 ઓગસ્ટ, 2019 ના રોજ, કેન્દ્ર સરકારે કલમ 370 હટાવી અને કાશ્મીરને કેન્દ્રશાસિત પ્રદેશ બનાવ્યો. સીમાંકન બાદ યોજાનારી પ્રથમ ચૂંટણીમાં આજે તમામ પક્ષો પોતાની જીતનો ઝંડો ફરકાવવા માટે તલપાપડ છે.