હરિયાણામાં ભાજપે 48માંથી 23 બેઠકો અપક્ષ-નાના પક્ષોની મદદથી જીતી

હરિયાણા વિધાનસભાની ચૂંટણીમાં ભાજપે સ્પષ્ટ બહુમતી મેળવીને આશ્ચર્ય સર્જ્યુ છે પણ તેની પાછળ ચૂંટણીલક્ષી વ્યુહરચના છે. ભાજપે અપક્ષ ઉમેદવારો અને પોતાની બી ટીમ જેવા લોકદળ અને બસપા સહિતના પક્ષોના ઉમેદવારોની મદદથી ભાજપ વિરોધી મતોમાં ગાબડાં પાડ્યાં. ભાજપે કોંગ્રેસના મત કાપવાની અપનાવેલી વ્યૂહરચના અત્યંત સફળ સાબિત થઇ છે. 

ભાજપે જીતેલી કૂલ 48 બેઠકોમાંથી 23 બેઠકો એવી છે કે જે ભાજપ અપક્ષો તથા પોતાની બી ટીમ જેવા પક્ષોની મદદથી જીતી છે. આ બેઠકો પર ભાજપને મળેલી સરસાઇ કરતાં અપક્ષ કે અન્ય પક્ષના ઉમેદવારને મળેલા મત વધારે છે. આ ભાજપ વિરોધી મતો કોંગ્રેસને મળ્યા હોત તો હરિયાણા વિધાનસભાની ચૂંટણીનું પરિણામ અલગ હોત.