'લોકોએ તમને ટેબલ તોડવા ચૂંટીને અહીં નથી મોકલ્યા', વિપક્ષે હોબાળો મચાવતા બગડ્યા ઓમ બિરલા

લોકસભાની કાર્યવાહી શરૂ થતાં જ વિપક્ષે પ્રયાગરાજ મહાકુંભમાં થયેલી દુર્ઘટનાનો મુદ્દો ઉઠાવ્યો. પ્રયાગરાજ મહાકુંભ અકસ્માત પર ચર્ચાની માંગણી સાથે વિપક્ષી સભ્યોએ સૂત્રોચ્ચાર શરૂ કર્યા.

સોમવારે બજેટ સત્રના ત્રીજા દિવસની કાર્યવાહી હંગામા સાથે શરૂ થઈ હતી. લોકસભાના સ્પીકર ઓમ બિરલાએ ગૃહમાં પ્રવેશીને પોતાના આસન પર બેઠતા જ વિપક્ષી સાંસદોએ પ્રયાગરાજ મહાકુંભ ઘટનામાં થયેલા મૃત્યુ પર ચર્ચાની માંગ શરૂ કરી દીધી હતી. વિપક્ષના હોબાળા પર ગુસ્સે થઈને ઓમ બિરલાએ કહ્યું કે, 'પ્રજાએ તમને ટેબલ તોડવા માટે નથી મોકલ્યા.'

લોકસભાની કાર્યવાહી દરમિયાન વિપક્ષી સાંસદો સતત હંગામો મચાવી રહ્યા છે. તેઓ મહાકુંભ નાસભાગમાં મૃત્યુ પામેલા શ્રદ્ધાળુઓની યાદી જાહેર કરવાની માગ કરી રહ્યા છે. આ સાથે જ તેઓ સતત CM યોગી અને PM મોદીના રાજીનામાની માગ કરી રહ્યા છે.

વિપક્ષી સભ્યોની માંગ પર સ્પીકરે પ્રશ્નકાળ ચાલુ રાખવાનો નિર્દેશ આપ્યો અને કહ્યું કે, આ વિષયને મહામહિમ રાષ્ટ્રપતિએ પોતાના સંબોધનમાં પણ સામેલ કર્યો હતો. તમે આભાર પ્રસ્તાવ પર ચર્ચા દરમિયાન આ વિષય પર વાત કરી શકો છો. ત્યારબાદ વિપક્ષી સભ્યોએ પ્રયાગરાજ મહાકુંભ દુર્ઘટના પર ચર્ચાની માગ કરતા સૂત્રોચ્ચાર શરૂ કરી દીધો હતો. 

સ્પીકર ઓમ બિરલાએ વિપક્ષને પ્રશ્નકાળ ચાલુ રાખવાની વિનંતી કરી અને કહ્યું કે રાષ્ટ્રપતિએ પણ તેમના સંબોધનમાં આ અંગે ચર્ચા કરી છે. આભાર પ્રસ્તાવ પર ચર્ચા દરમિયાન તમે આ વિષય પર પણ બોલી શકો છો. તેમણે કહ્યું કે પ્રશ્નકાળ સભ્ય માટે મહત્વપૂર્ણ સમય છે. તેને ચાલવા દો. સ્પીકરે પ્રશ્નકાળની કાર્યવાહી શરૂ કરી. પ્રશ્નકાળની કાર્યવાહી શરૂ થયા પછી પણ, વિપક્ષી સભ્યો ચર્ચાની માંગણી કરતા સૂત્રોચ્ચાર કરી રહ્યા છે.

પ્રયાગરાજ મહાકુંભ અકસ્માત પર થયેલા હોબાળા અંગે સંસદીય બાબતોના મંત્રી કિરેન રિજિજુએ વિપક્ષના વલણની ટીકા કરતા કહ્યું કે, આ યોગ્ય નથી. તમે સરકારને પ્રશ્નો પૂછતા નથી તો પછી જનતા તમને પ્રશ્નો પૂછશે.

સ્પીકર ઓમ બિરલાએ એન.કે. પ્રેમચંદ્રન અને કીર્તિ આઝાદના નામ લેતા કહ્યું કે, તમે મને કહો છો કે તમારે મહત્વપૂર્ણ પ્રશ્નો પૂછવા છે અને તમારી સીટ ઉપર બેસતા નથી. વિપક્ષને સલાહ આપતાં તેમણે કહ્યું કે જો તમને લાગે કે દેશના લોકોએ તમને પ્રશ્નકાળની કાર્યવાહીમાં ખલેલ પહોંચાડવા માટે મોકલ્યા છે, તો તમે એમ જ કરો. વિપક્ષના હોબાળા અને સૂત્રોચ્ચાર વચ્ચે ગૃહની કાર્યવાહી ચાલુ છે.

લોકસભામાં પ્રશ્નકાળની કાર્યવાહી ચાલી રહી છે. પ્રયાગરાજ મહાકુંભમાં થયેલી ભાગદોડની ઘટના અને તેમાં થયેલા મૃત્યુ પર ચર્ચાની માંગણી સાથે વિપક્ષના સભ્યો વેલમાં ઉતરી ગયા છે. વિપક્ષી સભ્યોના સૂત્રોચ્ચાર અને હોબાળા વચ્ચે ગૃહની કાર્યવાહી ચાલુ છે.