VIDEO : જમ્મુ-કાશ્મીરના કઠુઆમાં લીચીના મબલખ પાકથી બાગાયત ક્ષેત્રને મોટો વેગ મળ્યો
છેલ્લું અપડેટ : 23 Jun 2026
જમ્મુ-કાશ્મીરના કઠુઆ જિલ્લામાં આ વર્ષે લીચીનું RECORD ઉત્પાદન થતાં સ્થાનિક બાગાયત ક્ષેત્રમાં ખુશીનો માહોલ જોવા મળી રહ્યો છે. સાનુકૂળ હવામાન અને આધુનિક કૃષિ પદ્ધતિઓના કારણે આ વખતે પાકની ગુણવત્તા અને જથ્થો બંને ઉત્કૃષ્ટ રહ્યા છે, જે ખેડૂતોની આવક વધારવામાં મદદરૂપ સાબિત થશે. વહીવટીતંત્ર દ્વારા પણ આ પાકને મોટા બજારો સુધી પહોંચાડવા માટે વિશેષ સુવિધાઓ ઊભી કરવામાં આવી રહી છે, જેથી કઠુઆની આ મીઠી લીચી દેશભરમાં ધૂમ મચાવી શકે અને બાગાયતી ક્રાંતિને વધુ મજબૂત બનાવી શકાય. સ્વાસ્થ્યની દ્રષ્ટિએ લીચી એક અત્યંત ગુણકારી અને પૌષ્ટિક ફળ છે, લીચીમાં ભરપૂર માત્રામાં વિટામિન C હોય છે, જે શરીરની ઇમ્યુનિટી મજબૂત કરીને ચેપી રોગો સામે રક્ષણ આપે છે. તેમાં પાણીનું પ્રમાણ વધુ અને ફાઇબર હોવાથી તે ઉનાળામાં શરીરને હાઇડ્રેટેડ રાખે છે અને પાચનતંત્રને સુધારે છે. લીચીમાં રહેલું પોટેશિયમ બ્લડ પ્રેશરને નિયંત્રિત રાખવામાં મદદ કરે છે, જે હૃદયના સ્વાસ્થ્ય માટે ઉત્તમ છે. તે ત્વચાને ગ્લોઇંગ બનાવે છે અને ફ્રી રેડિકલ્સ સામે લડીને વધતી ઉંમરની અસરોને ધીમી કરે છે.
