12 વર્ષના લવ મેરેજમાં થયા ત્રણ બાળકો, હવે મહિલા ફરી પ્રેમમાં પડી, પતિએ પ્રેમી સાથે લગ્ન કરાવી લીધો હાશકારો 

બિહારના સહરસા જિલ્લામાંથી એક ચોંકાવનારો કિસ્સો સામે આવ્યો છે. અહીં 12 વર્ષ પહેલા એક યુવતીએ યુવક સાથે લવ મેરેજ કર્યા હતા. તેણે ત્રણ બાળકો પણ હતા. હવે 12 વર્ષ પછી તે મહિલા બીજા કોઈના પ્રેમમાં પડી ગઈ. જ્યારે મહિલાના પતિને આ વાતની જાણ થઈ તો તેણે તેની પત્નીના તેના પ્રેમી સાથે લગ્ન કરાવી દીધા. આ સમગ્ર મામલે વીડિયો સોશિયલ મીડિયા પર વાયરલ થઈ રહ્યો છે.

મળતી માહિતી મુજબ આ આખો મામલો સહરસાના બૈજનાથપુર ગામનો છે. અહીં એક યુવકને 12 વર્ષ પહેલા રાહુઆ તુલસીયાહી ગામની એક યુવતી સાથે પ્રેમ થયો હતો. બંને લગ્ન કરવા માંગતા હતા, પરંતુ તેમના પરિવારજનો તૈયાર ન હતા. પરિવારના વિરોધ છતાં યુવક અને યુવતીએ લગ્ન કરી લીધા. લગ્ન બાદ બંનેને ત્રણ સંતાનો થયા. બંનેનું જીવન સામાન્ય રીતે ચાલતું હતું.

સરકારી યોજનાઓનો લાભ અપાવનાર સાથે થયો પ્રેમ 

આ દરમિયાન યુવતીનું હૃદય ગામમાં રહેતા એક યુવક ફીદા થયું.  આ યુવકે યુવતીને તેના આંતરજ્ઞાતિય લગ્ન બાદ સરકારી યોજનાઓનો લાભ અપાવવામાં મદદ કરી હતી. અહીંથી આ યુવકની પહેલાથી જ પ્રેમ લગ્નમાં બંધાયેલી યુવતી સાથેની નિકટતા વધી અને ધીમે-ધીમે પ્રેમ સંબંધ શરૂ થયો.

16મી ડિસેમ્બરની રાત્રે યુવક મહિલાના ઘરે પહોંચ્યો હતો, તે દરમિયાન મહિલાનો પતિ અચાનક ઘરે આવ્યો હતો અને પત્નીને તેના પ્રેમી સાથે રંગે હાથે પકડી લીધો હતો. આ પછી મહિલાના પતિએ બંનેને સાંજની સામે ખુલ્લા કર્યા. મહિલાએ ખુલ્લેઆમ બધાની સામે તેના પ્રેમપ્રકરણનો સ્વીકાર કર્યો અને તેના પ્રેમી સાથે રહેવાની ઈચ્છા વ્યક્ત કરી.

પતિએ મહિલાના તેના પ્રેમી સાથે લગ્ન કરાવી દીધા

આ પછી મહિલાના પતિએ મહિલાના તેના પ્રેમી સાથે લગ્ન કરાવી દીધા. બીજી વખત પ્રેમ લગ્ન બાદ મહિલાએ તેના ત્રણ બાળકોને પોતાની સાથે રાખવાની ઈચ્છા વ્યક્ત કરી હતી, જ્યારે તેનો પહેલો પતિ પણ બાળકોને પોતાની સાથે રાખવા ઈચ્છતો હતો. પ્રથમ પતિ હવે બાળકો સાથે છે. મહિલા તેના પ્રેમી સાથે રહેવા લાગી છે. ગામલોકોની સામે કરવામાં આવેલા આ લગ્નનો વીડિયો સોશિયલ મીડિયા પર વાયરલ થઈ રહ્યો છે. આ સમગ્ર ઘટનાને લઈને લોકો અલગ-અલગ પ્રકારની પ્રતિક્રિયાઓ આપી રહ્યા છે.

આ મામલામાં મહિલાના પહેલા પતિએ કહ્યું કે તે તેને દિલથી પ્રેમ કરતો હતો, પરંતુ તેની ખુશી હવે તેના પ્રેમી સાથે છે. મેં તે જ કર્યું જેનાથી તે ખુશ રહી. બીજા પતિએ કહ્યું કે અમે એકબીજાને પ્રેમ કરીએ છીએ અને સમાજે અમને સ્વીકાર્યા. હવે અમે સાથે છીએ.