માત્ર પ્રજ્વલ રેવન્ના જ નહીં, અન્ય લોકો પણ આમાં સામેલ છે, સેક્સ સ્કેન્ડલ પર દેવગૌડાએ તોડ્યું મૌન

પૂર્વ પ્રધાનમંત્રી એચડી દેવગૌડાએ તેમના પૌત્ર અને જેડીએસ સાંસદ પ્રજ્વલ રેવન્ના સાથે સંકળાયેલા કથિત સેક્સ સ્કેન્ડલ પર મૌન તોડ્યું છે. પૂર્વ પીએમે કહ્યું કે હું કોઈના નામ નહીં લઉં પરંતુ આમાં બીજા ઘણા લોકો સામેલ છે. આ કેસમાં સંડોવાયેલા તમામ લોકો સામે પગલાં લેવા જોઈએ.  

જણાવી દઈએ કે પ્રજ્વલ રેવન્ના પર લાગેલા આરોપો પર એચ ડી. દેવગૌડાની આ પહેલી પ્રતિક્રિયા છે. માનવામાં આવે છે કે જેડીએસના સાંસદ હાલ જર્મનીમાં છે.

દેવેગૌડાએ એમ પણ કહ્યું કે, તેમના પૌત્ર સામે પણ કાર્યવાહી કરવામાં આવશે. પ્રજ્વલ સામે કાર્યવાહી કરવામાં આવશે. પરંતુ રેવન્નાના સંબંધમાં લોકોએ જોયું છે કે તેની વિરુદ્ધ શું કરવામાં આવ્યું છે. તેને કોર્ટમાં જામીન મળી ગયા છે અને અન્ય એક આદેશ પેન્ડિંગ છે. 

આ મહિનાની શરૂઆતમાં રેવન્નાની કર્ણાટક પોલીસે એક મહિલાનું અપહરણ કરવાના આરોપમાં ધરપકડ કરી હતી. જેમાં તેને જામીન મળ્યા છે. આ દરમિયાન  જેડીએસ નેતાએ પીડિતો માટે નાણાકીય વળતરની પણ માંગ કરતા કહ્યું કે, એચડી કુમારસ્વામી પહેલા પણ આવી માંગ કરી ચૂક્યા છે. તે કર્ણાટકના પૂર્વ મુખ્યમંત્રી કુમારસ્વામી દેવગૌડાના નાના પુત્ર અને પ્રજ્વલના કાકા છે.

દેવગૌડા વિવાદને ધ્યાને રાખીને જન્મદિવસ ઉજવવાના મૂડમાં નથી. તેમણે ઉજવણી રદ કરી દીધી છે. આજે તેમનો 91મો જન્મદિવસ છે. હાસનથી સાંસદ પ્રજ્વલ સામેના આરોપોની કોંગ્રેસની આગેવાની હેઠળની રાજ્ય સરકાર દ્વારા રચિત કર્ણાટક પોલીસ-SIT દ્વારા તપાસ કરવામાં આવી રહી છે.