Video: હાર્બર નજીકથી માછીમારનો મૃતદેહ મળી આવ્યો

તમિળનાડુના થૂથુકુડીમાં દરિયામાં પડી ગયા બાદ ગુમ થયેલા એન્થોની રાજ નામના માછીમારનો મૃતદેહ હાર્બર નજીકથી મળી આવ્યો છે. માછીમારી કરતી વખતે અચાનક સંતુલન ગુમાવવાથી તેઓ દરિયાના ઊંડા પાણીમાં ગરકાવ થઈ ગયા હતા. ઘટનાની જાણ થતાં જ સ્થાનિક માછીમારો અને કોસ્ટ ગાર્ડની ટીમે મોટા પાયે શોધખોળ અભિયાન હાથ ધર્યું હતું. અંતે હાર્બર પાસે દરિયા કિનારેથી તેમનો મૃતદેહ મળી આવતાં પરિવાર અને સ્થાનિક માછીમાર સમુદાયમાં શોકનું મોજું ફરી વળ્યું છે. પોલીસે મૃતદેહને પોસ્ટમોર્ટમ અર્થે સરકારી હોસ્પિટલ ખસેડીને આ મામલે અકસ્માતે મોતનો ગુનો નોંધી વધુ તપાસ શરૂ કરી છે.