જમ્મુ-કાશ્મીરમાં 3 લેફ્ટનન્ટ કર્નલ સહિત 16 લોકો સામે FIR, જાણો શું છે સમગ્ર મામલો
જમ્મુ-કાશ્મીરના કુપવાડામાં 16 સૈન્ય અધિકારીઓ અને સૈનિકો વિરુદ્ધ હત્યાના પ્રયાસ અને
જમ્મુ-કાશ્મીરના કુપવાડામાં 16 સૈન્ય અધિકારીઓ અને સૈનિકો વિરુદ્ધ હત્યાના પ્રયાસ અને લૂંટનો કેસ નોંધવામાં આવ્યો છે. જે લશ્કરી અધિકારીઓ સામે આ કેસ નોંધવામાં આવ્યો છે તેમાં 3 લેફ્ટનન્ટ કર્નલ પણ સામેલ છે.
મંગળવારે મોડી રાત્રે કુપવાડા પોલીસ સ્ટેશનમાં હુમલો કરવા બદલ સૈનિકો પર આ કેસ નોંધવામાં આવ્યો છે. આરોપ છે કે ટેરિટરી આર્મીના એક સૈનિકની પોલીસ દ્વારા પૂછપરછ કરવામાં આવી હતી. આનાથી સેનાના જવાનો ગુસ્સે થયા અને તેઓએ પોલીસ સ્ટેશન પર જ હુમલો કર્યો. પોલીસનું કહેવું છે કે કથિત ડ્રગ્સના કેસમાં સૈનિકની પૂછપરછ કરવામાં આવી રહી છે.
આ ઘટનાનો એક વીડિયો પણ જાહેર કરવામાં આવ્યો છે. પોલીસ અધિકારીઓનું કહેવું છે કે હુમલા વખતે સેનાના જવાનો યુનિફોર્મમાં હતા અને હથિયારોથી સજ્જ હતા. ઘણા વરિષ્ઠ અધિકારીઓ પણ તેમની સાથે હતા. ટેરિટોરિયલ આર્મીએ ભારતીય સેનાની એક વિંગ છે, જેને રિઝર્વ ફોર્સ તરીકે રાખવામાં આવે છે. તેમાં પાર્ટ-ટાઈમ સ્વયંસેવકોનો પણ સમાવેશ થાય છે, જેઓ ઓપરેશન દરમિયાન સેનાને મદદ કરે છે. પોલીસમાં નોંધાયેલી એફઆઈઆર અનુસાર, લેફ્ટનન્ટ કર્નલ અંકિત સૂદ, રાજીવ ચૌહાણ અને નિખિલની આગેવાનીમાં સેનાના જવાનો પોલીસ સ્ટેશનમાં ઘુસી ગયા હતા.
આ લોકોએ ત્યાં હાજર પોલીસકર્મીઓ પર હુમલો કરવાનું શરૂ કરી દીધું. તેમને તેમની રાઈફલ વડે માર મારવાનો આક્ષેપ છે. આ ઉપરાંત કોઈપણ જાતની દલીલ વગર લાકડીઓ અને સળિયા વડે માર મારવાનો પણ આક્ષેપ છે. આરોપ છે કે માર માર્યા બાદ સેનાના જવાનોએ પોલીસ સ્ટેશનમાં હાજર પોલીસકર્મીઓના મોબાઈલ ફોન પોતાની પાસે રાખ્યા હતા. આ સિવાય એક પોલીસકર્મીનું પણ અપહરણ કરવામાં આવ્યું હતું. આ પછી જ્યારે વરિષ્ઠ પોલીસ અધિકારીઓને માહિતી મળી તો તેઓ એક્શનમાં આવ્યા અને કાર્યવાહી શરૂ કરવામાં આવી. પોલીસે સેનાના જવાનો સામે કલમ 186, 307 અને 332 સહિત 5 કલમો હેઠળ કેસ નોંધ્યો છે.
પોલીસે સૈનિકો સામે આર્મ્સ એક્ટ હેઠળ પણ કેસ નોંધ્યો છે. કુપવાડા ડીએસપી આ મામલાની તપાસ કરી રહ્યા છે. અધિકારીઓનું કહેવું છે કે આ મામલે ઝીણવટભરી તપાસ થશે અને દોષિતોને સજા કરવામાં આવશે. આ મામલે સેનાનું નિવેદન પણ આવ્યું છે. શ્રીનગર સ્થિત સેનાના પ્રવક્તાએ કહ્યું કે આ મામલો એટલો મોટો નથી. તેમને કહ્યું કે પોલીસકર્મીઓની મારપીટના અહેવાલો ખોટા અને ભ્રામક છે. તેમને કહ્યું કે પોલીસકર્મીઓ અને ટેરિટોરિયલ આર્મી વચ્ચે ઓપરેશન મામલે થોડો મતભેદ હતો, જે ઉકેલાઈ ગયો છે.
