દિલ્હીમાં મુંડકાની કાર્ડબોર્ડ ફેક્ટરીમાં ભીષણ આગ, 35 ફાયર ટેન્ડર હાજર
દિલ્હીના મુંડકાના ઔદ્યોગિક વિસ્તારની એક ફેક્ટરીમાં રવિવારે સવારે ભીષણ આગ લાગી હતી. માહિતી મળતાં જ ફાયરની
દિલ્હીના મુંડકાના ઔદ્યોગિક વિસ્તારની એક ફેક્ટરીમાં રવિવારે સવારે ભીષણ આગ લાગી હતી. માહિતી મળતાં જ ફાયરની બે ડઝનથી વધુ ગાડીઓ ઘટનાસ્થળે પહોંચી ગઈ હતી. ફાયર બ્રિગેડના જવાનો હાલ આગ ઓલવવામાં વ્યસ્ત છે. હજુ સુધી કોઈ જાનહાનિના અહેવાલ નથી. દિલ્હી પોલીસના જણાવ્યા અનુસાર, આ એક કાર્ડબોર્ડ ફેક્ટરી હતી જેમાં હાલમાં ભીષણ આગ લાગી છે.
જયારે ફાયર વિભાગે જણાવ્યું કે આગની માહિતી મળતાની સાથે જ 35 વાહનોને તાત્કાલિક સ્થળ પર મોકલવામાં આવ્યા હતા. હાલ ફાયર ફાઈટર આગ પર કાબુ મેળવવાનો પ્રયાસ કરી રહ્યા છે.
આગ ઓલવવાના પ્રયાસો ચાલુ છે
ફાયર બ્રિગેડના અનેક જવાનો આગ ઓલવવાનો પ્રયાસ કરી રહ્યા છે. દિલ્હી ફાયર સર્વિસનું નિવેદન બહાર આવ્યું છે, જેમાં તેઓએ કહ્યું હતું કે, 'મુંડકા ઈન્ડસ્ટ્રીયલ એરિયામાં એક ફેક્ટરીમાં આગ લાગી હતી, લગભગ 35 ફાયર ટેન્ડર ઘટનાસ્થળે હાજર છે'.
સ્થળની નજીક ગાઢ કાળો ધુમાડો
બીજી તરફ વધુ માહિતી આપતા એક અધિકારીએ જણાવ્યું કે, ફેક્ટરીમાં લાગેલી આગને કારણે ઘટના સ્થળની આસપાસ ગાઢ કાળો ધુમાડો ફેલાઈ ગયો હતો. જેના કારણે વિસ્તારમાં ભારે ભીડ જામી છે. આગની જ્વાળાઓ જોવા માટે લોકો દૂર-દૂરથી આવી રહ્યા છે.
ફાયરના જવાનોએ આગ પર કાબૂ મેળવવાના પ્રયાસો શરૂ કર્યા હતા
હાલ ફેક્ટરીની અંદર કોઈ ફસાયું છે કે કેમ તે જાણી શકાયું નથી, પરંતુ ફાયર ફાઈટર આગ પર કાબૂ મેળવવાનો પ્રયાસ કરી રહ્યા છે. આ સિવાય કોઈ જાનહાનિની માહિતી નથી. ફાયર વિભાગની ટીમ આગ પર કાબૂ મેળવવાનો પ્રયાસ કરી રહી છે તો બીજી તરફ ઘટના સ્થળની આસપાસ કાળો ધુમાડો જોવા મળી રહ્યો છે. આગને નિહાળવા માટે મોટી સંખ્યામાં લોકો પણ ઘટનાસ્થળે હાજર છે.
