Haryana Election: ચૂંટણી પહેલા ખેડૂતોએ કરી મોટી જાહેરાત, ભાજપનું વધાર્યું ટેન્શન

હરિયાણા વિધાનસભા ચૂંટણીમાં ખેડૂત સંગઠનો ભાજપ માટે મુશ્કેલી ઊભી કરી શકે છે. સોનીપતમાં બિનરાજકીય પક્ષ યુનાઈટેડ કિસાન મોરચાના કિસાન નેતાઓ અને કાર્યકરોની બેઠક યોજાઈ હતી. 15 સપ્ટેમ્બરે જીંદના ઉચાના કલાનના ખેડૂતોએ મહાપંચાયત બોલાવી છે.

ખેડૂત નેતા અભિમન્યુ કોહરે ભાજપ સરકારને ચેતવણી આપતા કહ્યું કે,  વિધાનસભા ચૂંટણીમાં ભાજપનો જોરદાર વિરોધ કરવામાં આવશે. ખેડૂત સંગઠનો કોઈપણ પક્ષ માટે મત માંગશે નહીં.

ખેડૂતો પર થયેલા લાઠીચાર્જ અને શહીદ થયેલા ખેડૂતોનો બદલો લેવાશે

તેમણે વધુમાં કહ્યું, “અમે હરિયાણામાંથી ભાજપને સાફ કરવા માટે કામ કરીશું. કિસાન મહાપંચાયતમાં દેશભરમાંથી મોટા ખેડૂત નેતાઓ એકઠા થશે. ખેડૂતો પર થયેલા લાઠીચાર્જ અને ખેડૂત આંદોલનમાં શહીદ થયેલા ખેડૂતોનો બદલો વોટમાં લેવાશે.

કુસ્તીબાજોને તેમની નવી શરૂઆત માટે ખૂબ ખૂબ અભિનંદન

અભિમન્યુ કોહરે કુસ્તીબાજો વિનેશ ફોગાટ અને બજરંગ પુનિયાના રાજનીતિક શરુઆતને લઈને પણ તેમની પ્રતિક્રિયા આપી હતી. તેમણે કહ્યું, "દેશના સ્ટાર કુસ્તીબાજોને તેમની નવી શરૂઆત માટે ખૂબ ખૂબ અભિનંદન. અમારા આંદોલનમાં બંનેએ આપેલો સહકાર અમે ભૂલવાના નથી."

હરિયાણામાં 5 ઓક્ટોબરે મતદાન 

તમને જણાવી દઈએ કે હરિયાણામાં વિધાનસભા ચૂંટણી માટે એક જ તબક્કામાં 5 ઓક્ટોબરે મતદાન થશે, જ્યારે મતગણતરી 8 ઓક્ટોબરે થશે.