Video: ચૂંટણી પંચ દ્વારા ૬ રાજ્યોમાં SSR શરૂ કરવાની જાહેરાત

ચૂંટણી પંચે દેશના છ રાજ્યો અને કેન્દ્રશાસિત પ્રદેશોમાં સ્પેશિયલ સમરી રિવિઝન એટલે કે મતદારોની યાદીની સુધારણા પ્રક્રિયા શરૂ કરવાની જાહેરાત કરી છે. આ અભિયાન અરુણાચલ પ્રદેશ, ચંદીગઢ, દાદરા અને નગર હવેલી તથા દમણ અને દીવ, મિઝોરમ, ઓડિશા અને સિક્કિમમાં હાથ ધરવામાં આવશે. આ પ્રક્રિયાનો મુખ્ય ઉદ્દેશ્ય તમામ પાત્ર નાગરિકો, ખાસ કરીને યુવાનો અને પ્રથમ વખત મતદાન કરનારા લોકોના નામ મતદાર યાદીમાં ઉમેરાય તે સુનિશ્ચિત કરવાનો છે. નોંધપાત્ર વાત એ છે કે, જે નાગરિકો ૧ એપ્રિલ, ૧ જુલાઈ કે ૧ ઓક્ટોબર ૨૦૨૭ સુધીમાં ૧૮ વર્ષના પૂર્ણ થવાના છે, તેઓ પણ અગાઉથી જ અરજી કરી શકશે. પંચે તમામ સંબંધિત રાજ્યોના મુખ્ય સચિવોને આ કામગીરી માટે પૂરતો સ્ટાફ અને સાધનો ફાળવવા આદેશ આપ્યો છે.