મહારાષ્ટ્રનો ઐતિહાસિક દુર્ગાડી કિલ્લો મસ્જિદ નહીં પરંતુ મંદિર, 48 વર્ષ જૂના વિવાદમાં કોર્ટેનો ચુકાદો 

મહારાષ્ટ્રના થાણે જિલ્લામાં સ્થિત ઐતિહાસિક દુર્ગાડી કિલ્લાને લઈને 48 વર્ષ જૂના વિવાદ પર કલ્યાણ સેશન્સ કોર્ટે ચુકાદો આપી દીધો છે. કોર્ટે તેને મંદિર જાહેર કરતા કહ્યું કે કિલ્લો સરકારી મિલકત જ રહેશે. આ કેસ છેલ્લા 48 વર્ષથી પેન્ડિંગ હતો. 

આ પણ વાંચોઃ કોંગ્રેસની મોદી સરકારને મોટી ચેલેન્જ, જ્યોર્જ સોરોસ મુદ્દે જયશંકર સહિત મોટા નેતાઓ પર લગાવ્યા આરોપ

કોર્ટના ફરમાન બાદ ઉજવણી  

આખરે કલ્યાણ સેશન્સ કોર્ટે આ કેસમાં આદેશ જારી કર્યો છે કે, ઐતિહાસિક દુર્ગાડી કિલ્લો મસ્જિદ નહીં પરંતુ મંદિર છે. ત્યારપછી હિંદુ સંગઠનો અને શિવસેનાના અધિકારીઓએ કલ્યાણ દુર્ગાડી કિલ્લામાં દેવી દુર્ગાની આરતી કરીને ઉજવણી કરી હતી.

વક્ફ બોર્ડને કેસ ટ્રાન્સફરનો દાવો ફગાવાયો 

કલ્યાણના દુર્ગાડી કિલ્લા પર એક મંદિર છે જે કલ્યાણ જિલ્લા અને સેશન્સ કોર્ટના જસ્ટિસ એ.એસ. લંજેવારે સ્વીકાર્યું હતું. આ કેસના અરજદાર અને હિંદુ ફોરમના પ્રમુખ દિનેશ દેશમુખે મંગળવારે દુર્ગાડી કિલ્લા ખાતે મીડિયાને જણાવ્યું હતું કે કોર્ટે કલ્યાણ કોર્ટમાંથી વક્ફ બોર્ડમાં કેસ ટ્રાન્સફર કરવાના અન્ય ધર્મોના દાવાને ફગાવી દીધો છે.

48 વર્ષ જૂનો વિવાદ! 

હકીકતમાં, દુર્ગાડી કિલ્લામાં સ્થિત મંદિરની મસ્જિદને લઈને છેલ્લા 48 વર્ષથી કલ્યાણ જિલ્લા અને સેશન્સ કોર્ટમાં બે ધર્મો વચ્ચે લડાઈ ચાલી રહી હતી. પહેલા આ દાવો થાણે ડિસ્ટ્રિક્ટ કોર્ટમાં પેન્ડિંગ હતો, ત્યારબાદ કલ્યાણ ડિસ્ટ્રિક્ટ એન્ડ સેશન્સ કોર્ટમાં દાવો દાખલ કરવામાં આવ્યો હતો. 

ક્યારે અરજી દાખલ થઈ હતી? 

અરજીદાર દિનેશ દેશમુખે કહ્યું કે, 1971માં થાણે જિલ્લા કલેક્ટરે જાહેર કર્યું હતું કે દુર્ગાડી કિલ્લામાં એક મંદિર છે. ત્યારપછી, આ જગ્યાને મંદિર કે મસ્જિદ જાહેર કરવા માટે તપાસ અરજી દાખલ કરવામાં આવી હતી. આ દાવાના કેસમાં એડવોકેટ ભાઈસાહેબ મોડકે દલીલો કરી હતી. જ્યાં દલીલ કરાઈ હતી કે આ માળખામાં જેવી બારીઓ છે તે મસ્જિદની નથી મંદિરની છે. મૂર્તિઓ રાખવા માટે મંદિર (ચોથરા) છે. જેથી સરકારે જાહેર કર્યું હતું કે આ સ્થળે મંદિર છે.