CM કેજરીવાલ જેલમાંથી આવ્યા બહાર, 156 દિવસ બાદ મળ્યા જામીન
દિલ્હીના મુખ્યમંત્રી અરવિંદ કેજરીવાલને દારૂ કૌભાંડ કેસમાં સુપ્રીમ કોર્ટમાંથી મોટી રાહત મળી છે. સુપ્રીમ કોર્
દિલ્હીના મુખ્યમંત્રી અરવિંદ કેજરીવાલને દારૂ કૌભાંડ કેસમાં સુપ્રીમ કોર્ટમાંથી મોટી રાહત મળી છે. સુપ્રીમ કોર્ટે 156 દિવસ બાદ સીએમ કેજરીવાલને જામીન આપ્યા છે. CM કેજરીવાલ જેલમાંથી બહાર આવી ગયા છે.
જસ્ટિસ સૂર્યકાન્ત અને જસ્ટિસ ઉજ્જલ ભુઈયાની ખંડપીઠે આ નિર્ણય સંભળાવ્યો છે. તમને જણાવી દઈએ કે દિલ્હી લિકર પોલિસી કૌભાંડ કેસમાં ધરપકડ કરાયેલા દિલ્હીના મુખ્યમંત્રી અરવિંદ કેજરીવાલની જામીન અરજી પર સુપ્રીમ કોર્ટે પહેલાથી જ પોતાનો નિર્ણય અનામત રાખ્યો હતો. ત્યારબાદ ચર્ચા દરમિયાન સીબીઆઈ અને કેજરીવાલે પોતપોતાની દલીલો રજૂ કરી હતી.
કેજરીવાલ જેલથી સીધા ચાંદગી રામ અખાડા પહોંચશે
જેલમાંથી બહાર આવ્યા બાદ અરવિંદ કેજરીવાલ ચાંદગી રામ અખાડા પહોંચશે. ત્યારબાદ ત્યાંથી તેઓ રોડ શો દ્વારા તેમના ઘરે આવશે. કેજરીવાલના ઘરની બહાર હાજર સમર્થકો સ્પીકર વાહન સાથે ચાંદગી રામ અખાડા તરફ રવાના થઈ રહ્યા છે.
કેજરીવાલ 156 દિવસ જેલમાં રહ્યા
કેજરીવાલની 21 માર્ચે ED દ્વારા ધરપકડ કરવામાં આવી હતી. 10 દિવસની પૂછપરછ બાદ તેને 1 એપ્રિલે તિહાર જેલમાં મોકલી દેવામાં આવ્યા હતા. 10 મેના રોજ, તેમને સામાન્ય ચૂંટણીમાં પ્રચાર માટે 21 દિવસ માટે મુક્ત કરવામાં આવ્યા હતા. 51 દિવસ જેલમાં રહ્યા બાદ તેને મુક્ત કરવામાં આવ્યા હતા. સુપ્રીમ કોર્ટે કેજરીવાલને 1 જૂન સુધી મુક્ત કરવાની મંજૂરી આપી હતી. 2 જૂને કેજરીવાલે તિહાર જેલમાં આત્મસમર્પણ કર્યું હતું. જો કેજરીવાલ આજે એટલે કે 13મી સપ્ટેમ્બરે મુક્ત થાય છે તો જેલમાં વિતાવેલ કુલ સમય 177 દિવસનો થશે. જો મુક્તિના 21 દિવસ ઓછા કરવામાં આવે તો કેજરીવાલ કુલ 156 દિવસ જેલમાં રહ્યા.
દિલ્હી: પંજાબના સીએમ ભગવંત માન AAP ઓફિસ પહોંચ્યા
પંજાબના મુખ્યમંત્રી ભગવંત માન દિલ્હીમાં આમ આદમી પાર્ટીના કાર્યાલય પહોંચ્યા છે. CBI કેસમાં અરવિંદ કેજરીવાલને આજે સુપ્રીમ કોર્ટમાંથી જામીન મળી ગયા છે. કેજરીવાલનું સ્વાગત કરવા AAP કાર્યકર્તાઓ તિહાર પહોંચ્યા હતા.
દિલ્હીના સીએમ અરવિંદ કેજરીવાલના જામીન બાદ પાર્ટીના કાર્યકર્તાઓ તેમના ઘરે આવવાના છે. પાર્ટીના કેટલાક કાર્યકરો તેમનું સ્વાગત કરવા તિહાર જેલ પહોંચ્યા છે.
