પશ્ચિમ બંગાળ/ જાંગીપુરમાં ભાજપના ઉમેદવારો, ટીએમસી અને કોંગ્રેસના કાર્યકરો વચ્ચે અથડામણ
દેશમાં લોકસભા ચૂંટણીના ત્રીજા તબક્કા માટે મતદાન શરૂ થઈ ગયું છે. 7 મેના રોજ 12 રાજ્યો/કેન્
દેશમાં લોકસભા ચૂંટણીના ત્રીજા તબક્કા માટે મતદાન શરૂ થઈ ગયું છે. 7 મેના રોજ 12 રાજ્યો/કેન્દ્રશાસિત પ્રદેશોની 95 લોકસભા બેઠકો પર મતદાન થઈ રહ્યું છે. ત્રીજા તબક્કામાં 1351 ઉમેદવારોનું ભાવિ ઈવીએમમાં કેદ થશે. આ દરમિયાન પશ્ચિમ બંગાળના મુર્શિદાબાદની જાંગીપુર લોકસભા સીટ પર અથડામણના સમાચાર સામે આવ્યા છે. મતદાન દરમિયાન ભાજપના ઉમેદવાર ધનંજય ઘોષ, તૃણમૂલ કોંગ્રેસ અને કોંગ્રેસના કાર્યકરો વચ્ચે ઘર્ષણ થયું હતું.
મુર્શિદાબાદના જાંગીપુરમાં એક મતદાન મથક પર ટીએમસી બૂથ પ્રમુખની ભાજપના ઉમેદવાર ધનંજય ઘોષ સાથે અથડામણ થઈ હતી. ભાજપના ઉમેદવાર ધનંજય ઘોષે કહ્યું, "હું બીજેપીનો ઉમેદવાર છું અને મને ટીએમસીના બૂથ એજન્ટ દ્વારા ધમકી આપવામાં આવી છે... જો ઉમેદવાર સાથે આવું વર્તન કરવામાં આવે તો સામાન્ય લોકોનું શું થઈ શકે છે. અમે આ અંગે ચૂંટણી પંચને ફરિયાદ કરીશું"
કયા રાજ્યની કેટલી બેઠકો પર મતદાન?
ત્રીજા તબક્કા હેઠળ આસામમાંથી 4, બિહારમાંથી 5, છત્તીસગઢમાંથી 7, દાદરા અને નગર હવેલી અને દમણ અને દીવમાંથી 2, ગોવામાંથી 2, ગુજરાતમાં 26, જમ્મુ-કાશ્મીરમાંથી 1, કર્ણાટકમાંથી 14, મધ્યપ્રદેશમાંથી 9 , મહારાષ્ટ્રની 11, ઉત્તર પ્રદેશની 10 અને પશ્ચિમ બંગાળની 4 લોકસભા બેઠકો પર મતદાન થશે. ગુજરાતના સુરત સંસદીય મતવિસ્તારમાંથી એક ઉમેદવાર બિનહરીફ ચૂંટાયા છે. મધ્યપ્રદેશના 29-બેતુલ (અનુસૂચિત જનજાતિ માટે અનામત) સંસદીય મતવિસ્તારમાં મુલતવી રાખવામાં આવેલી ચૂંટણીમાં ઉભા રહેલા આઠ ઉમેદવારો પણ મતદાનના ત્રીજા તબક્કાના ઉમેદવારોમાં સામેલ છે.
